Luka 1:80 - Tokelauan New Testament

⁸⁰ Kua tuputupu ake te tamaiti, ma kua maua i te loto mākeke. Nae nofo lava i te vao, ke pa ki te aho na kāmata ai tana gāluega ki tagata o Ihalaelu.

Luka 1:80 ပူးပေါင်းရင်းမြစ်များ

Mataio 11:7

E olo kehe atu nā hoko o Ioane, kae kāmata oi tautala ia Iehu ki te kaifenua e uiga ki a Ioane, kua lea vē atu, “I te koutou ologa ki a Ioane i te vao, he ā te nae fia kikila koutou ki ei? He lau mutia e agina i te matagi?

Mataio 3:1

I nā aho iēnā, na fano ai ia Ioane te Papatiho ki te vao o Iutea, kua kāmata oi fai ai tana tālakiga.

Luka 1:15

auā ko Ioane ka kavea ma tagata tāua i mua o te Aliki. E hē tatau lele ia ke inu ki he uaina, pe he mea mālohi. Ka fakatumulia ia i te Agaga Paia mai te aho e fānau mai ai,

Luka 2:40

Kua tuputupu ake te tamaiti, kua mālohi; kua fakatumulia i te poto, ma fakamanuiagia e te Atua.

Luka 2:52

Kua tuputupu ake ia Iehu i te tino ma te māfaufau, ma na alofagia e te Atua vēnā foki ma tagata.

Ioane 1:31

Nae hē kō iloa pe he tino vēhea, kae ko au na hau ke papatiho i te vai, kae ke fakailoa atu ai ia, ki tagata o Ihalaelu.”

Gāluega 18:28

Auā nae fīnau mālohi ma nā tino Iutaia i mua o tagata, ma na fakailoa ai e ia te hehē o ki lātou. Na fakamāonia e ia ki a te ki lātou e ala i nā Tuhituhiga Paia, ko Iehu ko te Mehia.