Luka 1:78 - Tokelauan New Testament

⁷⁸ Ko te tātou Atua e alofa ma e agamalū. Ka fakatafa e ia ia ata o te mālama o te fakaolataga ki o tātou luga,

Luka 1:78 ပူးပေါင်းရင်းမြစ်များ

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Efeho 5:14

auā ho he mea e kitea manino e fai tēnā ma mālamalama. E vē oi tūhia, “Ala ake koe tēnā e moe, ma tū ki luga mai te mate, ma ka huhulu atu te mālamalama o Keliho ki a te koe.”

Filipi 1:8

E iloa e te Atua te naunau lahi o toku loto ke feiloaki ki tātou. E ia iloa ko au e alofa lele atu ki a te koutou e vē foki lava ko te alofa o Keliho Iehu.

Filipi 2:1

Ko te ōlaga o koutou i te māfutaga ma Keliho e mākekeke ai koutou, ma ko tona alofa e fakamāfanafana ki a te koutou. Kua i te māfutaga fakatahi koutou ma te Agaga, ma kua ia te koutou te agalelei ma te tīgā alofa o tētahi ki tētahi.

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

2 Petelu 1:19

Oi kua ātili ai la to mātou mautinoa e tuha ai ki te fekau na fakailoa mai e te kau pelofeta. E hili la te koutou talitonu ki ei, auā e vē ko he lāmepa e mumū i he mea pōuli ke pa ki te tafa o ata o te Aho, ma huhulu atu ai te fetu o te taeao ki outou loto.

1 Ioane 3:17

Kae kāfai he tino maukoloa e ia kitea he uho pe he tuafafine e fofou ki he fehoahoani, kae hē ia te ia he loto alofa ki ei, e vēhea oi lea te tino tēnā ko ia e alofa ki te Atua?

Fakaaliga 22:16

“Ko au ko Iehu, kua uga atu e au taku agelu ke fakamāonia nā mea iēnei ki nā Ekalehia. Ko au ko he lāpuna e o Tavita; ko au ko te fetu e huhulu pupula i te taeao.”