Luka 1:6 - Tokelauan New Testament

⁶ Nae ola ki lāua i he ōlaga e tonu i te kikila a te Atua, ma nae tauhihi lelei ki nā tūlāfono ma nā fakatonuga a te Aliki.

Luka 1:6 ပူးပေါင်းရင်းမြစ်များ

Luka 1:7

Kae nae hēai he lā fānau ona ko Elihapeta e hē manava ola, ma kua mātutua lele foki ki lāua.

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Luka 2:25

I te vāitaimi tēnā, nae i ei he tino nae igoa ki a Himeona nae nofo i Ieluhalema. Ko he tino lelei ma mataku i te Atua, ma nae fakatalitali ke laveaki e te Atua ia Ihalaelu. Nae fakatahi te Agaga Paia ma ia,

Gāluega 2:25

Auā na lea vē ia Tavita e uiga ki a Iehu; ‘Na kō kitea te Aliki i mua o oku i taimi uma lava; auā e i oku tafa i toku itū taumatau, kae ke nahe i ei ai he mea e mataku ai au.

Gāluega 23:1

Na kikila hako lava ia Paulo ki te Taupulega ma lea vē atu ki ei, “Te kau uho! Ko toku lotofuatia e mamā lele e tuha ai ma te ōlaga kua ola ai au i mua o te Atua, ke pa mai lava ki te aho nei.”

Gāluega 24:16

Ma ko au la e taumafai i taimi uma ki te mea e gata mai ai toku mafai, ke mamā toku lotofuatia i mua o te Atua ma tagata.

Gāluega 8:21

E hēai hō avanoa pe ko hō vāega i ta mātou gāluega, auā ko tō loto e hē hako i te kikila a te Atua.

Loma 8:4

Na fai e te Atua te mea tēnei, kae ke fakatino kātoatoa ai te tūlāfono ia te ki tātou e mulimuli ki te takitakiga a te Agaga, kae hē ki te takitakiga a te natula fakatetagata.

1 Kolinito 11:2

Ko au e fakamālō atu ki a te koutou auā e koutou manatua pea lava au ma tauhi ki aku akoakoga na tuku atu ki a te koutou.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

Filipi 2:15

kae ke hē taku hehē ai koutou ma mamā kātoatoa, koutou te fānau a te Atua e nonofo i he lalolagi o tagata āmio pikopiko ma agahala. E tatau koutou ke huhulu atu e vē ni fetu pupula e māinafia ai te lagi,

Kolohe 1:22

Kae nei, e ala i te mate o tona Ataliki, ko koutou kua fai e te Atua ma ana uō, kae ke ōmamai ai koutou ki a te ia, kua uma te fakapaiagia, mamā ma hēai ni hehē.

1 Tehalonia 3:13

I te faiga tēnei, ka ia fakamākekea koutou, ma ka lelei kātoatoa ai koutou ma paia i te fakatahi mai o to tātou Atua te Tamana, kāfai to tātou Aliki ko Iehu e haele mai ma ki lātou uma e o ia.

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.

1 Ioane 2:29

E iloa e koutou ko Keliho e āmiotonu; e tatau la ke koutou iloa ko nā tino uma e faia te mea e tonu, ni fānau ki lātou e a te Atua.

1 Ioane 2:3

Kāfai ki tātou e uhitaki ki nā mea e fakatonu mai e te Atua, oi ka mautinoa ai e iloa e ki tātou te Atua.

1 Ioane 3:7

Taku fānau, ia koutou lele nā fakahehēa e he tino! Ko ai lava e fai e ia te mea e tonu, ko ia tēnā e āmiotonu, e vē lava ko Keliho e āmiotonu.