Luka 1:46 - Tokelauan New Testament

⁴⁶ Oi lea vē ai ia Malia, “E viviki ake toku loto ki te Aliki;

Luka 1:46 ပူးပေါင်းရင်းမြစ်များ

Loma 5:11

Kae e hē ko tēnā oioti; ko ki tātou e fiafia ona ko te mea na fai e te Atua e ala i to tātou Aliki ko Iehu Keliho, tē kua mafai ai ki tātou ke kavea ma uō a te Atua.

1 Kolinito 1:31

Ko te mea ia, e vē oi lea mai te tuhituhiga paia, “Ko ai lava e fia fakaali hona fāfia, e tatau ke fāfia ki te mea kua faia e te Aliki.”

2 Kolinito 2:14

Kae fakafetai ki te Atua, auā i te māfutaga ma Keliho ko ki mātou e takitakia pea lava e ia e vē ni pagotā, i te holo e fakailoa ai te manumālō o Keliho. Ko ki mātou e fakaaogā e te Atua ke fakahalalaua te tala ki a Keliho ke vē he meamanogi manaia, ki ho he koga.

Filipi 3:3

Ko ki tātou nā tino kua mauagia te pelitome moni, auā ko ki tātou e tāpuaki ki te Atua e ala i tona Agaga, ma ko ki tātou e fiafia i to tātou ola i te māfutaga ma Keliho Iehu. E hē fakamoemoe ki tātou ki faiga a tagata i te kikila atu i fafo.

Filipi 4:4

Koutou ke fiafia pea lava i te māfutaga a koutou fakatahi ma te Aliki. Ko au e toe lea atu; koutou ke fiafia!

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

1 Petelu 1:8

E ui lava ko hēki kikila koutou ki a Iehu, kae ko koutou e alolofa ki ei, ma e ui lava e hē koutou kitea i te taimi nei, kae ko koutou e talitonu ki ei. Te lahi lele la o te fiafia o koutou e hē mafai ke fakamatalagia,