Luka 1:32 - Tokelauan New Testament

³² Ka kavea ia ma tagata tāua lahi, ma ka takua ia ko te Ataliki o te Atua Hilihilikehe. Ka fai ia ma tupu e te Aliki te Atua, e vē ko tona tupuna ko Tavita,

Luka 1:32 ပူးပေါင်းရင်းမြစ်များ

Mataio 1:1

Ko te tuhi tēnei o te gafa o Iehu Keliho, na tupuga mai ia Tavita, ma ko Tavita na tupuga mai ia Apelaamo.

Mataio 12:42

I te Aho Fakamahino, ka tū mai te Tupu fafine o Heepa ma mōlia koutou ke fakahala, auā ko ia na malaga mamao mai tētahi itū o te lalolagi ke fakalogo ki te poto o te Tupu ko Holomona; ma e takutino atu e au ki a te koutou, kua i kinei he mea e hili atu te tāua i lo Holomona!

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Maleko 14:61

Kae ko Iehu kua hē kīkī lele pe tali atu ki ei. Oi toe fehili atu ai ki ei te Ulu Ohitāulaga, “Ko koe moni ko te Mehia, te Ataliki o te Atua Mamalu?”

Maleko 5:7

kae kalaga leo lahi lele, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ki a te koe i te igoa o te Atua, nahe kē fakahāuā mai ko ki a te au!”

Luka 1:15

auā ko Ioane ka kavea ma tagata tāua i mua o te Aliki. E hē tatau lele ia ke inu ki he uaina, pe he mea mālohi. Ka fakatumulia ia i te Agaga Paia mai te aho e fānau mai ai,

Luka 1:35

Ka kua tali mai te agelu, “Ka fanaifo te Agaga Paia ki ō luga, ma ko te mana o te Hilihilikehe ka fakamalumalu ifo ki ō luga. Ko te mea ia ka paia ai te tama ka fānau mai, ma ka takua ai ko te Ataliki o te Atua.

Luka 1:76

“Ma ko koe, taku tama, ka takua koe ko he pelofeta e a te Atua Hilihilikehe. Ka muamua atu koe i te Aliki, ke hāuni he auala mo ia,

Luka 3:16

Oi lea atu ai ia Ioane ki a te ki lātou uma, “E kō papatihoa koutou i te vai, kae e hau tē e hilihili lele atu tona mamalu i lo au, ma e hē aogā au ke kō tatala ona hēvae. Ka ia papatihoa koutou i te Agaga Paia ma te afi.

Luka 6:35

Kae alolofa ki nā fili o koutou ma fai lelei ei; fōki autou mea e aunoa ma he koutou māfaufau, ke toe maua mai he mea. Ka maua ai e koutou he taui lahi, ma kavea ai koutou ma fānau a te Atua Hilihilikehe. Auā ko te Atua e agalelei ki nā tino kino ma hē loto fakafetai.

Ioane 12:34

Kua tali mai te kaifenua, “E lea mai te mātou Tūlāfono, ko te Mehia ka ola pea lava ke pa ki te fakavavau. E vēhea la ona lea mai koe, ko te Ataliki o te Tagata e tatau ke hiki ake ki luga? Ko ai te Ataliki o te Tagata?”

Ioane 6:69

Ko ki mātou kua talitonu ki a te koe, ma kua ki mātou iloa ko koe ko te Tokatahi Paia na hau mai te Atua.”

Gāluega 16:17

Nae taumulimuli ki a Paulo ma ki mātou ma taufōlua vē, “Ko nā tino iēnei ni kaukauna e a te Atua Hilihilikehe! E fakailoa atu e ki lātou te auala e mafai ai koutou ke fakaolagia.”

Gāluega 2:30

Nae he pelofeta ka koi ola ai, ma na ia iloa te folafolaga a te Atua na fai e uiga ki a te ia: na fai te tautōga a te Atua ka ia faia he lāpuna o Tavita ke kavea ma tupu e vē foki lava ko Tavita.

Gāluega 2:36

“Ko te mea ia e tatau ai ke iloa ma mautinoa e koutou nā tino Ihalaelu uma, ko te Iehu tēnei, tēia na koutou fakahātauloagia, ko te tino ia kua fai e te Atua ma Aliki, ma ko ia ko te Mehia!”

Gāluega 7:48

“Kae ko te Atua Hilihilikehe, e hē nofo i ni fale e fau i lima o tagata; e vē ko te lea a te pelofeta:

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.