Luka 1:29 - Tokelauan New Testament

²⁹ Ka ko Malia kua popole lele tona loto, ma kua māfaufau mālie ifo ai, pe he ā te uiga o nā kupu iēnei a te agelu.

Luka 1:29 ပူးပေါင်းရင်းမြစ်များ

Mataio 16:7

Oi kāmata ai kua fakataufai te kau hoko nā ko ki lātou ma lea vē tētahi ki tētahi, “E lea mai vēnei auā e hēki kaumaia ni a tātou falaoa.”

Luka 1:12

Na teki lahi ia Hakalia, ma na ia lagona te mataku, i te ia kiteaga o te agelu.

Luka 1:28

Kua fanatu te agelu ki te mea e i ei ia Malia, oi lea vē atu ai ki ei, “Tālofa ni te māfine, tē kua alofagia e te Atua. Ko te Aliki e fakatahi ma koe!”

Luka 1:66

Ko nā tino uma lele na fakalogo ki nā mea iēnei, kua teu e ki lātou i o lātou loto, ma kua lea vēia “Ko te tamaiti nei tēnei e fai ma a, kāfai e matua?” Auā kua ki lātou iloa ko te mana o te Aliki e i te tamaiti.

Luka 2:19

Ka ko Malia, kua teu uma e ia nā kupu iēnei i tona loto, ma māfaufau loloto ki ei.

Luka 2:51

Oi olo fakatahi ai ia Iehu ma ona mātua ki Nahaleta, ma nae uhitaki lele ki a te ki lāua. Na teu i te loto o tona mātua nā mea uma iēnei.

Gāluega 10:17

Ka koi māfaufau ia Petelu pe ko he ā te uiga o te fakaaliga tēnei, ko nā taulelea na uga e Konelio ma nae ki lātou hakilia te fale o Himona, kua tutū i mua o te faitotoka o te fale i te taimi lava tēnā.

Gāluega 10:4

Na pupula ki ei ona mata ona ko tona mataku, oi lea vē atu ai ki ei, “Te aliki, e i ei he mea e fofou koe ki ei?” Kua tali mai te agelu, “Kua lagona e te Atua au tatalo ma ia kitea au gāluega alofa ki tagata mātitiva, ma kua hāuni ke tali atu ki a te koe.