Luka 1:22 - Tokelauan New Testament

²² Kae i te hauga o Hakalia ki fafo, kua hē ia mafaia oi tautala atu ki a te ki lātou, oi na ki lātou iloa ai e i ei he fakaaliga na ia kiteagia i loto o te potu. Kua tautalalima lava ki nā tino, ona kua hē ia mafaia oi tautala.

Luka 1:22 ပူးပေါင်းရင်းမြစ်များ

Luka 1:21

I te taimi tēnā, ko nā tino nae fakatalitali ki a Hakalia, kua māfaufau pe he ā te kua tuai mai ai i loto o te potu e fai ai te tāulaga meamanogi.

Luka 1:23

I te umaga o tona toe aho tiute i te Mālumalu, oi fano ai ki tona kāiga.

Luka 1:62

Oi tautalalima atu ai nā tino ki a Hakalia, pe ko ai te igoa e fofou ia ke fakaigoa ai tona ataliki.

Ioane 13:24

Kua geno atu ki ei ia Himona Petelu ma lea vē atu ki ei, “Fehili ki ei pe ko ai te fakauiga ki ei tana kupu!”

Gāluega 12:17

Kua tautala lima atu ia Petelu ki a te ki lātou ke nahe piha, ma na fakamatala e ia ki a te ki lātou te tatalaga o ia e te Atua mai te falepuipui. Oi lea vē atu ai, “Taku ko la te mea tēnei ki a Iakopo ma iētahi uho Kelihiano,” ma na tukua ai loa e ia ia kinā kae fano ki hētahi koga.

Gāluega 19:33

Ko iētahi tino na i ei to lātou tāofi, ko Alehana te na māfua ai te mea tēnei ona na uga e nā tino Iutaia ke fano ki mua. Oi fakatū atu ai te lima o Alehana ki tagata ke nahe piha, ma na taumafai ai ke fakamālamalama ki ei, ko te vevehitū e hēki māfua ia te ia ma ona hoa.

Gāluega 21:40

Na fakataga e te takitakikau ia Paulo, oi tū atu ai i luga o nā fakahitepu ma fakatū tona lima ki nā tino ke nahe piha. Ina kua hēai he tino o ki lātou e vaivaia, oi tautala ai ki ei ia Paulo i te gagana Epelu.