Luka 1:19 - Tokelauan New Testament

¹⁹ Kua tali mai te agelu, “Ko au ko Kapelielu. Ko au ko he kaukauna fakapitoa e a te Atua. Ko au na uga mai e te Atua ke tautala atu ki a te koe, ma fakailoa atu te tala lelei tēnei.

Luka 1:19 ပူးပေါင်းရင်းမြစ်များ

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Luka 1:20

Kikila, ona ko koe kua hē talitonu ki aku kupu iēia ka taunuku lava i te taimi kua fuafua ka fakataunuku ai, ko koe la ka gūgū ma hē mafai ke tautala, heiloga kua pa ki te aho e taunuku ai nā mea iēnei.”

Luka 1:26

I te ono o māhina talu te faitama o Elihapeta, na uga atu ai e te Atua te agelu ko Kapelielu, ki he koga i Kalilaia e igoa ki a Nahaleta,

Luka 2:10

kae kua lea atu te agelu ki a te ki lātou, “Koutou nahe mātataku! Kikila, ko au kua hau ma he tala lelei mo koutou, he tala e maua ai e tagata uma te fiafia lahi.

Luka 21:36

Mataala la i taimi uma ma tatalo ke maua e koutou te mālohi, ke hōhola kehe ai koutou mai nā mea uma iēnei ka tutupu, ma ke tutū ai koutou i mua o te Ataliki o te Tagata.”

Epelu 4:14

Ko te mea ia, tātou tāofi mau la ki nā mea kua folafola e ki tātou e talitonu ki tātou ki ei. Auā e i ei to tātou Ulu Ohitāulaga e hili te tāua, kua fano ki te mea e i ei te Atua — ko Iehu, te Ataliki o te Atua.