Loma 9:33 - Tokelauan New Testament

³³ e vē oi lea mai te tuhituhiga paia: “Kikila, e tuku e au i loto o Hiona he fatu ka tulave ai ia tagata, he fatu ka pakukū ai ki lātou ki lalo. Kae ko ai lava e talitonu ki a te ia, ka hēai he mea e popole ai.”

Loma 9:33 ပူးပေါင်းရင်းမြစ်များ

Mataio 21:42

Kua vāgana atu ia Iehu ki a te ki lātou, “E hēki faitau lele nei koutou ki nā Tuhituhiga Paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua. Ko te mea tēnei na fai e te Aliki; kai te manaia i te kikila ki ei.’ ”

Loma 10:1

Oku uho, te naunau lahi ko o toku loto ke mafai oku tagata ke fakaolagia! Ko au e tatalo pea lava ki te Atua mo ki lātou.

Loma 10:11

E lea mai te tuhituhiga paia, “E hēai he tino e talitonu ki a te ia ka maua i te fakanoanoa.”

Loma 5:5

Ko te fakamoemoe tēnei e hē fakanoanoa ai ki tātou, auā kua liligi mai e te Atua tona alofa ki o tātou loto e ala i te Agaga Paia, te meaalofa a te Atua ki a te ki tātou.

Kalatia 5:11

Kae e vē la ko au, te kau uho, kāfai e tālaki pea e au ko te pelitome ko he mea e tatau ke fai, he ā la te koi fakahāuā mai ai pea ia tagata ki a te au? Kāfai au e lea ki nā tino ko te pelitome ko he mea e tatau ke fai, ko tona uiga ko te fekau e folafola e au e uiga ki te hātaulo, e hē tatau ke fai ma fakalavelave ki a te ki lātou.

Filipi 1:20

Ko te mea e fakamoemoe ma naunau lahi au ki ei, ke nahe i ei lele he taimi e fakahētonu ai taku gāluega, kae i taimi uma lava, kae maihe lava te taimi nei, ke tumu au i te loto toa, kae ke fakaaogā ai toku tagata kātoa ke maua ai he vīkiga mo Keliho, e tuha lava pe ola ai au, pe oti ai.

2 Timoteo 1:12

ma ko te mea ia kua maua ai au i nā puapuagā. Kae ko au e hē mā, auā e iloa e au te tino e talitonu au ki ei, ma e mautinoa e au e puipui malu e ia ke pa ki te aho fakamahino, nā mea na ia tuku maia ki a te au,

1 Ioane 2:28

Taku fānau, koutou ke tūmau pea i te māfutaga ma Keliho, kae ke fakatumulia ai ki tātou i te loto mākeke kae hē ko te matamumuli ma te fia mumuni ia te ia, i te Aho e haele mai ai.