Loma 9:32 - Tokelauan New Testament

³² Aiheā? Auā nae hē fakalagolago ki te fakatuatua kae nae fakalagolago ki a lātou mea nae fai. Ma ko te mea ia nae tūinoino ai i te “fatu fakatulave”

Loma 9:32 ပူးပေါင်းရင်းမြစ်များ

Mataio 13:57

Ko te mea ia na teteke ai e ki lātou ia Iehu. Kae kua vāgana atu ia Iehu ki a te ki lātou, “E mamalu te pelofeta i ho he mea, kae vaganā ai i loto o tona nuku, ma loto o tona kāiga.”

Luka 2:34

Oi fakamanuia ai ki lātou e Himeona, ma lea vē atu ki a Malia, te mātua o te pepe, “Kikila, ko te pepe tēnei kua filifilia e te Atua mo te fakaumatiaga ma te fakaolataga o tagata Ihalaelu. Ka fai ia ma fakailoga mai te Atua e teteke ki ei te tokalahi o tagata,

Luka 7:23

Amutia nā tino e hē māhalohalo mai ki a te au!”

Loma 10:3

Ko hēki ki lātou iloa te auala e fakalelei ai e te Atua te va o tagata ma ia, ka kua taumafai lava ki lātou ke fai a lātou lava faiga māhani; ma kua hē ki lātou tukuatua ai ki lātou ki te faiga a te Atua e fakalelei ai te va o tagata ma ia.

Loma 11:11

Ko au la e fehili: Na hīhīga nei ma pakukū ma hēki mafai ke toe tutū ki luga? Hēai! Kae ona kua agahala ki lātou, kua maua ai e tagata nukukehe te fakaolataga, ke fai ma mea e tupu ai te loto kino i tagata Ihalaelu.

Loma 4:16

Ma ko te folafolaga la na fakavae i te fakatuatua, kae ke fakamautū ai te folafolaga, ko he meaalofa fōki fua e a te Atua ki lāpuna uma o Apelaamo — e hē nā mo ki lātou e uhitaki ki te Tūlāfono, kae vēnā foki ki lātou e talitonu e vē ko Apelaamo. Auā ko Apelaamo, ko te tamana fakateagaga ia o ki tātou uma lele;

1 Kolinito 1:23

Kae ko ki mātou, e ki mātou tālakia ko Keliho na fakahātaulo. He fekau tēnei e feita ki ei ia tagata Iutaia ma lea ia tagata nukukehe e valea;

1 Petelu 2:6

Auā e lea mai te tuhituhiga paia, “Kikila, na kō filifilia he fatu e tāua lahi, ma e fai e au ma fatu tulimanu i loto o Hiona; ma ko ai lava e talitonu ki ei ka hē mā lele ia.”

1 Petelu 2:8

E lea mai foki tētahi tuhituhiga paia, “Ko te fatu tēnei ka tū inoino ai ia tagata, te papa ka hīhīga ki lātou ki luga.” Na tū inoino ki lātou auā e hēki talitonu ki lātou ki te kupu, ma ko fuafuaga lava a te Atua ke vēnei te mea e pa ki lātou ki ei.