Loma 9:30 - Tokelauan New Testament

³⁰ He ā la te uiga o te mea tēnei? Ko tona uiga ko tagata nukukehe nae hē taumafai ke fakalelei to lātou va ma te Atua, kae na fakalelei e te Atua e ala i to lātou fakatuatua;

Loma 9:30 ပူးပေါင်းရင်းမြစ်များ

Loma 10:10

Auā ko te tātou fakatuatua te fakalelei ai to tātou va ma te Atua; ko te tātou takutinoga i mua o tagata, te fakaola ai ki tātou.

Loma 10:20

Ma e hili atu la te mālohi o te fakakupuga e Ihaia o te kupu a te Atua i te leaga vē: “Ko au na maua e nā tino nae hē ki lātou hakilia au; Na fakakitea au ki a te ki lātou nae hē fehili e uiga ki a te au.”

Loma 10:6

Kae ko te mea e lea mai ai te tuhituhiga paia e uiga ki te fakaleleia o te va ma te Atua e ala i te fakatuatua e vēnei: “Nahe vē ifo koe i tō loto, Ko ai te ka fano ki luga i te lagi?” (ke kavaifo ia Keliho ki lalo).

Loma 3:5

Kae e vēhea kāfai ko te fai e ki tātou o nā mea hehē e fakaalia ai te hako o nā mea e fai e te Atua? E mafai nei ke lea ki tātou ko te Atua e hehē kāfai ki tātou e fakahala e ia? (Ko he fehili tēnei e tatau lava ke fehili ai.)

Loma 4:11

Ko Apelaamo na fātoā pelitome mulimuli, ma ko tona pelitome na fai ma fakailoga ke fakailoa ai ko tona fakatuatua, te na fakalelei ai e te Atua tona va ma ia. Ko Apelaamo la, ko te tamana fakateagaga ia o ki lātou uma e talitonu ki te Atua, ma kua fakalelei e te Atua to lātou va ma ia, e ui lava ko ki lātou ko hēki pelitomea.

Loma 4:13

I te folafolaga e te Atua ki a Apelaamo ma ona lāpuna ko te lalolagi ka e o ia, e hēki ia faia te mea tēnei ona ko Apelaamo nae uhitaki ki te Tūlāfono, kae ona nae talitonu, ma na fakaleleia ai te va o ia ma te Atua.

Loma 4:22

Ko te mea ia na kavea ai tona fakatuatua ma mea, “na fakalelei ai e te Atua tona va ma ia.”

Loma 4:9

Ko te fakamanuiaga nei tēnei na lea ai ia Tavita e mo nā tino oioti kua uma te pelitome? Hēai! E fakatatau foki ki nā tino e hēki pelitomea. Auā kua ki mātou hiki atua te kupu mai te tuhituhiga paia e vē mai, “Ko Apelaamo nae talitonu ki te Atua, ma ko tona fakatuatua na fakalelei ai e te Atua tona va ma ia.”

Loma 5:1

Nei la kua uma te fakalelei o te va o ki tātou ma te Atua e ala i te fakatuatua, kua maua ai e ki tātou te fīlēmū i te māfutaga ma te Atua e ala i to tātou Aliki ko Iehu Keliho.

Loma 9:14

Ka lea nei la ki tātou ko te Atua e hē fai meatonu? E hēai.

Loma 9:31

kae ko tagata Ihalaelu nae hakilikili ki te tūlāfono ke fakalelei ai to lātou va ma te Atua, e hēki maua e ki lātou?

Kalatia 2:16

Kae e iloa e ki tātou, oioti lava te auala e mafai ai he tino ke fakalelei tona va ma te Atua, ko te fakatuatua ki a Iehu Keliho, ka e hē ko te faia o nā mea e leamai ai te Tūlāfono na kui mai ia Mohe. Ko ki tātou foki la kua talitonu ki a Keliho Iehu, kae ke fakalelei ai to tātou va ma te Atua e ala i to tātou fakatuatua ki a Keliho, kae hē ona e fai e ki tātou nā mea e leamai ai te Tūlāfono. Auā e hēai he tino e mafai ke fakaleleia tona va ma te Atua e ala i te mulimuli ki nā mea e leamai ai te Tūlāfono.

Kalatia 3:24

Ma ko te Tūlāfono la te nae ia pūlea ki tātou ke pa ki te taimi na haele mai ai ia Keliho, kae ke mafai ai ke fakalelei to tātou va ma te Atua, e ala i te fakatuatua.

Kalatia 3:8

Na vavaka e te tuhituhiga paia e fakalelei e te Atua te va o ia ma tagata nukukehe e ala i to lātou fakatuatua. Ma na fakailoa ai te Tala Lelei ki a Apelaamo e ala i te tuhituhiga paia: “Ona ko koe, ka fakamanuia ai e te Atua ia tagata o mālō uma.”

Kalatia 5:5

Kae vē la ko ki mātou, ko te mātou fakamoemoe ke fakalelei e te Atua to mātou va ma ia; ma ko te mea tēnei e hakilikili ki mātou ki ei ona ko te mana o te Agaga o te Atua, e galue ia te mātou e ala i to mātou fakatuatua.

Efeho 2:12

I te taimi tēnā, ko hēki koutou iloa ai ia Keliho, ma nae hē taua koutou i loto o te faigāmālō o tagata o Ihalaelu, ma hē aofia i loto o nā feagaiga na folafola e te Atua ki a te ki lātou. Ko koutou nae ola i te lalolagi tēnei e aunoa ma he fakamoemoe ma aunoa ma te Atua.

Filipi 3:9

ma ke kātoatoa lelei te māfutaga ma ia. E hēai he mea e mafai ke kō faia ke talia ai au i mua o te Atua, ona ko au e uhitaki ki te Tūlāfono a Mohe. Ko au e talia oioti i mua o te Atua pe kāfai au e fakatuatua ki a Keliho.

1 Timoteo 6:11

Kae e vē la ki a te ko koe, ko koe ko he hui e o te Atua. E tatau la koe ke kalo kehe ma nā mea uma iēnei, kae tauivi mo te āmiotonu, te fakatuatua, te fakamāoni, te alofa, te onohai, ma te agamalū.

Epelu 11:7

Ko te fakatuatua o Noa te na mafai ai ke lagona e ia te fakatonuga a te Atua e uiga ki nā mea e hē ia kitea kae ka tutupu i he taimi i mua. Na uhitaki ki te Atua, oi fau ai e ia he vaka ma na fakaola ai ia ma tona kāiga. Ona ko te mea tēnei, na fakahalagia ai te lalolagi kae ona ko Noa na uhitaki ki te Atua, na talia ai ia e te Atua ko he tino e faia te mea e tonu.

1 Petelu 4:3

Kua lava nā taimi nae mulimuli ai koutou i nā taimi kua teka, ki nā mea e fiafia ki ei nā tino fakapaupau. Nae fai e koutou nā āmio mātagā, nā manakoga fakatetagata, te konā, āmio hē pūlea, fai pātī ma nā uiga holi tūlāfono ko te ifo ki tupua.