Loma 9:23 - Tokelauan New Testament

²³ ma e vēhea pe kāfai kua ia faia te mea tēnei kae ke fakailoa ai te lahi lele o tona mamalu fakaalia mo ki tātou nā tino e fakaaga ki ei tona alofa fakahao, nā tino o ki tātou kua uma te ia tāpenagia ke maua e ki lātou tona mamalu fakaalia.

Loma 9:23 ပူးပေါင်းရင်းမြစ်များ

Luka 1:17

Ka muamua atu ia i te Aliki, ma e mākeke ma lototele, e vē ko te pelofeta ko Elia. Ka fakaliliu e ia ia loto o mātua ki a lātou fānau; ka fakaliliu e ia nā tino fakalogo gatā ke toe kui i nā auala o te āmiotonu; ka tāpena e ia nā tino o te Aliki, ke hāuniuni mo ia.”

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Loma 2:4

Pe ko koe e manatu māmā ki te lahi o te agalelei, te fakapalepale ma te onohai o te Atua? E hē kē iloa ko te Atua e agalelei, ona e fofou ke takitaki koe ki te halamō?

Loma 8:29

Ko ki lātou kua uma te filifilia e te Atua, kua uma foki te tōfia e ia muamua ke kavea ke vē ko tona Ataliki, kae ke kavea ai te Ataliki e vē ko te ulumatua i he kau uho tokatahi.

Loma 8:30

Ma ko ki lātou na muamua tōfia e te Atua, na kalagagia e ia; ma ko ki lātou na kalagagia e ia, na fakaleleia to lātou va ma ia; ma ko ki lātou na ia fakaleleia to lātou va ma ia, na i ei fakatahi ki lātou ma ia i tona mamalu.

Efeho 1:18

Ko au e talohaga atu ke tatala ko outou māfaufau ke kitea ai e koutou te mālamalama e hau mai ia te ia, kae ke iloa ai e koutou pe ko he ā tonu te fakamoemoe kua kalaga mai ai ki a te koutou, ma te lahi o nā fakamanuiaga gali kua folafola e ia ki ona tagata,

Efeho 2:10

Ko ki tātou na fai e te Atua ke vē lava ko te tūlaga kua i ei ki tātou, ma i te māfutaga ma Keliho Iehu na gaohia ai ki tātou e te Atua mo he ōlaga o gāluega lelei, tēia kua uma te ia hāunia ke fai e ki tātou.

Efeho 2:7

Na fai e ia te mea tēnei ke fakaalia ai mo taimi uma lele koi mua, te tūkehe o te lahi o tona alofa tūnoa, e ala i te agalelei o Keliho Iehu ki a te ki tātou.

Efeho 3:16

Ko au e tatalo ki te Atua ke fōki atu ki a te koutou mai te lahi o tona alofa tūnoa, te mālohi e ala i tona Agaga, ke mākekeke ai outou loto;

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

1 Tehalonia 5:9

Ko ki tātou e hēki filifilia e te Atua ke pagātia i tona tōkahā, kae na ia filifilia ki tātou ke fai mo ki tātou te fakaolataga, e ala i to tātou Aliki ko Iehu Keliho,

2 Timoteo 2:21

Ko nā tino e ki lātou fakamamāgia ki lātou mai nā mea kino uma iēnā, ka fakaaogā ki lātou mo nā mea fakapitoa, auā kua uma te fakapaiagia o ki lātou ma e aogā mo to lātou Matai, ma kua hāuni ke fakaaogā ki ho he gāluega lelei.