Loma 9:22 - Tokelauan New Testament

²² E vēhea kāfai te Atua e fofou ke fakaali tona tōkahā ma tona mālohi, kae kua lahi pea lava tona onohai ki nā tino e tatau ke pakū ki ei tona tōkahā, nā tino e tuku e fakaumatia;

Loma 9:22 ပူးပေါင်းရင်းမြစ်များ

Loma 1:18

Ko te tōkahā o te Atua e fakaalia mai te lagi, mo nā agahala ma uiga kino uma o tagata, ma e ala i o lātou uiga kino, kua faigatā ai ke fakailoa te meamoni.

Loma 9:17

Auā i te tuhituhiga paia, ko te Atua na vāgana ki te tupu o Aikupito, “Na kō faia koe ma tupu kae ke fakaaogā ai koe ke fakailoa ai toku mālohi, ma ke takutaku atu ai toku igoa ki te lalolagi kātoa.”

Loma 9:20

Kae ko ai nei koe, he tagata, ke toe tali ai koe ki te Atua? E hē mafai e te ulo ōmea ke lea vē atu ki te tino na ia gaohia ia, “He ā te na gaohi vē ai au e koe?”

Loma 9:21

E hē i te tino nei e gaohi e ia nā ulo, te pule ke ia fakaaogā ai te ōmea ki te mea e fofou ia ki ei, ma ke ia gaohia ni ulo e lua mai te palugā ōmea e fokotahi, ko tētahi mo nā aho fakapitoa, ma tētahi mo nā aho uma?

1 Tehalonia 2:16

Na taumafai foki ki lātou ke tāofi ki mātou mai te tālakiga o te fekau ki tagata nukukehe, te fekau e maua ai e ki lātou te fakaolataga. Ona ko a lātou faiga iēnei, kua kātoatoa lelei ai lava nā agahala uma lele e ki lātou faia pea lava. Ma i te taimi nei, ko te tōkahā o te Atua kua pakū ki o lātou luga.

1 Tehalonia 5:9

Ko ki tātou e hēki filifilia e te Atua ke pagātia i tona tōkahā, kae na ia filifilia ki tātou ke fai mo ki tātou te fakaolataga, e ala i to tātou Aliki ko Iehu Keliho,

2 Timoteo 2:20

I he fale lahi, e i ei nā ipukai ma nā ipuloloto kehekehe: ko iētahi e gaohia i te hiliva ma te aulo, ko iētahi e gaohia i te lākau ma te ōmea; ko iētahi e fakaaogā mo nā mea fakapitoa, ko iētahi e mo nā mea māhani.

1 Petelu 2:8

E lea mai foki tētahi tuhituhiga paia, “Ko te fatu tēnei ka tū inoino ai ia tagata, te papa ka hīhīga ki lātou ki luga.” Na tū inoino ki lātou auā e hēki talitonu ki lātou ki te kupu, ma ko fuafuaga lava a te Atua ke vēnei te mea e pa ki lātou ki ei.

1 Petelu 3:20

Ko nā agaga iēnei e hēki uhitaki ki te Atua i te taimi ka koi fakatalitali ai ia ma te onohai mo ki lātou, i nā aho nae fau ai te vaka e Noa. E hē tokalahi nā tino nae i luga o te vaka — e toka valu oioti — na fakaola ki lātou e te Atua e ala i te vai.

2 Petelu 2:3

Ko to lātou manako lahi ki nā tupe, ka fakatōhina ai koutou e ki lātou i nā kupu pepelo. Mai te kāloā ke pa mai nei, ko tē e fakamahinoa ki lātou kua nofo hāuni, ma ko tē e fakaumatiagia ki lātou e hē moe lele!

2 Petelu 2:9

E iloa la e te Aliki te auala e fakahao ai nā tino e mātataku i te Atua, mai o lātou puapuagā, ma ia iloa te auala e tāofi ai pea lava nā tino kino i te fakahalaga ke pa ki te Aho Fakamahino,

2 Petelu 3:15

E tatau ke kikila vē koutou, ko te onohai o te Aliki ko he avanoa tēnā kua ia fōkiatua ke mafai ai koutou ke fakaolagia, e vē lava ko te tuhi atu a to mātou uho pele ki a Paulo ma na ia fakaaogā ai te poto na fōki ki ei e te Atua.

Iuta 1:4

Auā e i ei nā tino hē mātataku i te Atua kua ōmamai munimuni ki te mea e i ei ki tātou; nā tino e fakahehē e ki lātou te fekau e uiga ki te alofa tūnoa o te Atua, kae ke fai ai pea o lātou tuinanauga mātagā ki te tino. E teteke foki ki lātou ki a Iehu Keliho to tātou Matai ma to tātou Aliki e fokotahi. Kua leva te vavalo e nā Tuhituhiga Paia te fakahalaga e ki lātou maua.