Loma 9:1 - Tokelauan New Testament

¹ Ko au e tautala i te meamoni; ko au e a Keliho ma ko au e hē pepelo. Ko te Agaga Paia tē e pūlea toku lotofuatia, e ia fakamāonia foki ko au e hē pepelo

Loma 9:1 ပူးပေါင်းရင်းမြစ်များ

Loma 1:9

E molimau te Atua ko te mea e lea atu ai au e moni — te Atua e tautua au ki ei ma toku loto kātoa, e ala i te tālaki atu e au o te Tala Lelei e uiga ki tona Ataliki. E iloa e te Atua ko koutou e kō manatua pea lava

Loma 2:15

E fakaalia ia lātou mea e fai, ko nā mea e fakatonu mai e te Tūlāfono kua tūhia i o lātou loto. E fakaalia foki e ala i o lātou lotofuatia te moni o te mea tēnei, auā ko iētahi taimi ko o lātou manatunatuga e vē ake, “E hehē tau mea na fai” kae ko iētahi taimi e vē ake, “E hako tau mea na fai.”

Loma 8:16

Ko te Agaga o te Atua kua fai ma molimau fakatahi ma o tātou agaga, ko ki tātou ko he fānau e a te Atua.

Loma 9:2

kāfai au e lea atu ki te lahi o toku fakanoanoa ma te tīgā o toku loto e hē uma

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 1:23

E molimau te Atua — na ala toku hē fanatu ki a te koutou i Kolinito, ona e hēki fofou au ke toe fakamanuka outou loto.

2 Kolinito 11:10

E ala i te meamoni e uiga ki a Keliho i loto ia te au, e takutino atu ai e au, e hēai he tino i Akaia kātoa e ia mafaia oi tāofi toku fāfia.

2 Kolinito 11:31

Ko te Atua ma te Tamana o te Aliki ko Iehu — ke fakamanuia tona igoa ke pa ki te fakavavau — e ia iloa ko au e hē pepelo.

2 Kolinito 12:19

Ātonu pe ko koutou e vēakē ko ki mātou e fīnau atu mo ki mātou lava. Hēai! Ko ki mātou e tautatala lava e vē ko te mea e fofou ia Keliho ke tautatala ai ki mātou i mua o te Atua, ma ko nā mea uma e ki mātou faia, e mo te atiakega o koutou a mātou uō pele.

Kalatia 1:20

Ko te mea tēnei kua tuhi atu ai au, e moni lava. E iloa e Atua ko au e hē tala pepelo.

Filipi 1:8

E iloa e te Atua te naunau lahi o toku loto ke feiloaki ki tātou. E ia iloa ko au e alofa lele atu ki a te koutou e vē foki lava ko te alofa o Keliho Iehu.

1 Tehalonia 2:5

E iloa lelei lava e koutou ko ki mātou e hēki oatu ma ni tala ke fakafāfifia ai koutou, ma e hēki ki mātou fakaaogāgia foki ni fakakupuga kae ke vēake ai koutou ko a mātou gāluega e lelei — ko te Atua ko ta mātou molimau!

1 Timoteo 1:5

Ko te ala o te fakatonuga tēnei kae ke tupu ake ai te alofa e hau mai te loto mamā, te lotofuatia lelei ma te fakatuatua moni.

1 Timoteo 2:7

Ko te mea ia na tōfia ai au ma apohitolo vēnā ma faiakoga mo tagata nukukehe, ke kō folafola atua te akoakoga moni e uiga ki a Iehu. Ko au e hē pepelo; ko au e lea atu i te meamoni!

1 Timoteo 5:21

I mua o te Atua ma Keliho Iehu, vēnā ma te kau agelu paia, ko au e apoapoaki mālohi atu ko koe ke uhitaki ki nā fakatonuga iēnei, e aunoa ma he fakailoga tino, pe fakapito ki he tino, i nā mea uma e fai e koe.