Loma 8:9 - Tokelauan New Testament

⁹ Kae ko koutou e hē ola ma mulimuli ki te mea e fakatonu atu e te natula fakatetagata ke fai; ko koutou e ola ma mulimuli ki te mea e fakatonu atu e te Agaga ke fai — pe kāfai moni ko te Agaga o te Atua e nofo i loto ia te koutou. Ko ai lava e hē ia te ia te Agaga o Keliho, e hē a Keliho te tino tēnā.

Loma 8:9 ပူးပေါင်းရင်းမြစ်များ

Luka 11:13

Kāfai la koutou, e ui lava e kino kae e koutou iloa oi fōki nā mea lelei ma autou fānau, ka hē hili atu nei la te lahi o nā taimi ka uga ifo ai te Agaga Paia e te Tamana i te lagi, ki nā tino e gogō atu ki a te ia!”

Ioane 14:17

Ko ia ko te Agaga e fakailoagia te meamoni e uiga ki te Atua. E hē mafai ke talia ia e tagata o te lalolagi, auā e hē ki lātou kitea pe iloa ia. Kae e koutou iloa ia, auā e tūmau ia ma koutou, ma e i loto ia, ia te koutou.

Ioane 14:23

Kua tali mai ia Iehu ki ei, “Ko nā tino e alolofa mai ki a te au, ka uhitaki ki aku akoakoga. Ka alofa toku Tamana ki a te ki lātou, ma ka oatu ki māua ma toku Tamana ki a te ki lātou ma nonofo fakatahi ma ki lātou.

Ioane 3:34

Auā ko tē na uga mai e te Atua, e tautala i te kupu a te Atua, auā kua tuku atu kātoa ki ei, te Agaga o te Atua.

Ioane 3:6

E fānanau e tagata ola a lātou fānau. Kae nā ko te Agaga oioti te ia mafaia oi hūia koutou, ke kavea ma fānau a te Atua.

Gāluega 16:7

I te taunuku atuga o ki lātou ki Muhiana, oi taumafai ai ke olo ki te itūmālō o Pitunia, kae e hēki fakatagagia ki lātou e te Agaga o Iehu, ke olo ki ei.

Loma 7:5

Auā i te taimi nae ola ai ki tātou e tuha ai ma o tātou natula fakatetagata, ko nā tuinanauga kino na fakaohofia e te Tūlāfono nae galue i loto o ki tātou, ke maua ai ni fua mo te oti.

Loma 8:1

I te taimi nei la, e hēai he fakahalaga mo ki lātou e ola i te māfutaga ma Keliho Iehu.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

Loma 8:2

Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

1 Kolinito 15:23

Kae ko tagata tau tokatahi ka fakatutū i he fakahologa e tūlaga tatau: E muamua lava ia Keliho, ma i te taimi e toe haele mai ai, oi hohoko ai ki ei ia tagata o te Atua.

1 Kolinito 3:16

E hē koutou iloa ko koutou ko te mālumalu o te Atua, ma ko te Agaga o te Atua e nofo i loto ia te koutou?

1 Kolinito 6:17

Kae ko ai lava e ia tuku fakatahia tona tino ma te Aliki, ka tahi ki lāua ma te Aliki i te fakateagaga.

1 Kolinito 6:19

E hē koutou iloa ko outou tino ko te mālumalu ia o te Agaga Paia, e nofo i loto ia te koutou, ma na fōki atu e te Atua ki a te koutou? Ko koutou e hē a koutou kae e a te Atua;

2 Kolinito 10:7

Ko koutou e kikila ki te tino mai o nā mea i te kikila atu ki ei i fafo. E i ei nei ni tino i kinā e ki lātou mautinoa ko ki lātou e ia Keliho? E tatau ke toe māfaufau lelei ki lātou e uiga ki a te ki lātou, auā ko ki mātou e a Keliho, e vē foki lava ko ki lātou.

2 Kolinito 6:16

E vēhea ona mafai ke talia nā tupua i loto o te mālumalu o te Atua? Auā ko ki tātou ko te mālumalu ia o te Atua e ola! E vē oi vāgana te Atua, “Ka mau au i loto o oku tagata ma havali fakatahi ma ki lātou; ka fai au ma o lātou Atua, ma ka kavea ki lātou ma oku tagata.”

Kalatia 4:6

Ona ko koutou ni fānau e a te Atua, na ia uga maia ai te Agaga o tona Ataliki ki o tātou loto, te Agaga tēia na kalaga vē, “Te Tamana, toku Tamana!”

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Efeho 1:13

Ma ko koutou foki na kavea ma tagata o te Atua i te lagonaga e koutou te kupu moni — te Tala Lelei na maua ai e koutou te fakaolataga. Ko koutou kua talitonu ki a Keliho, ma kua tuku e te Atua ki outou luga tana fakailoga e iloa ai ko koutou e a ia, e ala i te Agaga Paia kua fōki atu e ia ki a te koutou, e vē oi folafola e ia.

Efeho 2:22

I te māfutaga ma Keliho, ko koutou foki la kua fau ake fakatahi ma iētahi tino uma ke kavea ma mea e nofo ai te Atua e ala i tona Agaga.

Efeho 3:17

ma ko au e tatalo ko Keliho ke mau i nā loto o koutou e ala i te koutou fakatuatua. Ko au e tatalo ke mautū lelei te koutou fakavae i luga o te alofa,

Filipi 1:19

auā e iloa e au ko autou tatalo fakatahi ai ma te fehoahoani mai o te Agaga o Iehu Keliho, ka tatala ai au mai oku noanoataga.

2 Timoteo 1:14

Puipui lelei ki nā mea kua tuku atu ki a te koe e ala i te mana o te Agaga Paia e mau i loto o ki tātou.

1 Petelu 1:11

Na taumafai ke ki lātou iloa pe ko āfea te taimi, ma pe hau vēhea foki. Ko tēnei te taimi na fakailoa ki ei e te Agaga o Keliho nae ia te ki lātou, i te vāloaga e uiga ki nā puapuagā ka feagai ma Keliho ma te tūlaga fiafia lahi e pa ki ei mulimuli.

1 Ioane 3:24

Ko nā tino e uhitaki ki nā mea kua fakatonu mai e te Atua, e tūmau te tahi o ki lātou i te māfutaga ma te Atua, ma ko te Atua e tūmau te tahi o ia i te māfutaga ma ki lātou. Ma e ona ko te Agaga kua fōki mai e te Atua ki a te ki tātou, kua iloa ai e ki tātou ko te Atua e tūmau te tahi o ia ma ki tātou, e ala i te Agaga kua ia fōki maia ki a ki tātou.

1 Ioane 4:13

E mautinoa e ki mātou ko ki tātou e ola i te māfutaga ma te Atua ma ko te Atua e ola i te māfutaga ma ki tātou, auā kua tuku mai e ia ki a te ki tātou tona Agaga.

1 Ioane 4:4

Kae ko koutou taku fānau, e o te Atua koutou, ma kua fakatōkilalo e koutou nā pelofeta pepelo, auā ko te Agaga e ia te koutou e mālohi lele atu ia i lo te agaga e i nā tino o te lalolagi.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 20:15

Ko nā tino e hēki tūhia o lātou igoa i loto o te tuhi o te ola, kua togi ki loto o te vaitūloto o te afi mumū.