Loma 8:5 - Tokelauan New Testament

⁵ Ko nā tino e ola ma mulimuli ki te mea e fakatonu ake e o lātou natula fakatetagata, kua pūlea o lātou māfaufau e nā mea e nanau ki ei te natula fakatetagata. Ka ko nā tino e ola ma mulimuli ki te mea e fakatonu ake e te Agaga, kua pūlea o lātou māfaufau e nā mea e naunau ki ei te Agaga.

Loma 8:5 ပူးပေါင်းရင်းမြစ်များ

Maleko 8:33

Kae kua māfuli atu ia Iehu ki ona tua, ma ia kitea atu ona hoko. Oi tautala mālohi ai ki a Petelu, kua lea vē atu ki ei, “Hātani, fano kehe koe ma au! Auā ko ō manatu e hē mai te Atua, kae ni manatu fakatetagata!”

Ioane 3:6

E fānanau e tagata ola a lātou fānau. Kae nā ko te Agaga oioti te ia mafaia oi hūia koutou, ke kavea ma fānau a te Atua.

Loma 8:9

Kae ko koutou e hē ola ma mulimuli ki te mea e fakatonu atu e te natula fakatetagata ke fai; ko koutou e ola ma mulimuli ki te mea e fakatonu atu e te Agaga ke fai — pe kāfai moni ko te Agaga o te Atua e nofo i loto ia te koutou. Ko ai lava e hē ia te ia te Agaga o Keliho, e hē a Keliho te tino tēnā.

1 Kolinito 15:48

Ko ki lātou e ō te kelekele e vē ko te tino na gaohia i te kelekele; ko ki lātou e ō te lagi e vē ko te tino na fanaifo mai te lagi.

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.

2 Kolinito 10:3

E hako ko ki mātou ni tino e ola i te lalolagi, kae ko ki mātou e hē tau ona ni lagona fakatelalolagi.

Kalatia 5:17

Auā ko te mea e fofou ki ei to tātou natula fakatetagata, e teteke ki te mea e fofou ki ei te Agaga, ma ko nā mea e fofou ki ei te Agaga, e teteke ki ei to tātou natula fakatetagata. Ko nā mea iēnei e lua e fetekeaki tētahi ki tētahi, ma ko tona uiga e hē koutou mafaia oi fai he mea e fofou koutou ki ei.

Efeho 5:9

auā ko te mālamalama te kaumaia te helehelega o nā itūkāigā lelei uma lele, te āmiotonu ma te meamoni.

2 Petelu 2:10

kae maihe lava ki lātou e mulimuli ki o lātou tuinanauga mātagā ki te tino, ma teteke lahi ki te pule a te Atua. Ko nā faiakoga pepelo iēnei e hē popoi lele pe mātataku oi fāifāi ki nā agelu mamalu.