Loma 8:4 - Tokelauan New Testament

⁴ Na fai e te Atua te mea tēnei, kae ke fakatino kātoatoa ai te tūlāfono ia te ki tātou e mulimuli ki te takitakiga a te Agaga, kae hē ki te takitakiga a te natula fakatetagata.

Loma 8:4 ပူးပေါင်းရင်းမြစ်များ

Luka 1:6

Nae ola ki lāua i he ōlaga e tonu i te kikila a te Atua, ma nae tauhihi lelei ki nā tūlāfono ma nā fakatonuga a te Aliki.

Loma 2:26

Kāfai la he tino nukukehe e uhitaki ki nā mea e lea mai ai te Tūlāfono e ui lava ko hēki pelitomeagia, ka hē vē nei ia ko he tino kua uma te pelitome i te kikila a te Atua?

Loma 3:31

Ko tona uiga e fakahēaogā e ki tātou te Tūlāfono ona ko ki tātou e fakatuatua? Hēai, kae e fakamautū lelei ai e ki tātou te Tūlāfono, e vē ko te tūlaga e tatau ona i ei ai.

2 Kolinito 10:2

Ko au e talohaga atu, ke nahe faia lele e koutou he mea ke fakaali ai toku loto hāuā kāfai au e fanatu; auā ko au kua hāuni ke fakakikila ki toku loto hāuā, nā tino e lea ko a mātou mea e fai e fakavae i nā lagona fakatelalolagi.

2 Kolinito 10:3

E hako ko ki mātou ni tino e ola i te lalolagi, kae ko ki mātou e hē tau ona ni lagona fakatelalolagi.

Kalatia 5:16

Ko te mea e lea atu ai au ko tēnei: tuku ki te Agaga ke ia takitakiagia outou ōlaga, oi hē fakamaliea ai e koutou te natula fakatetagata.

Kolohe 1:22

Kae nei, e ala i te mate o tona Ataliki, ko koutou kua fai e te Atua ma ana uō, kae ke ōmamai ai koutou ki a te ia, kua uma te fakapaiagia, mamā ma hēai ni hehē.

Epelu 12:23

Ko koutou kua ōmamai ki te fakatahiga fiafia a nā ulumatua a te Atua, iē kua tūhia o lātou igoa i te lagi. Ko koutou kua ōmamai ki te Atua, ko ia ko te fakamahino o tagata uma, ma ko kinei foki te fakalelei kātoatoa ai ia agaga o nā tino e faia nā mea e tonu.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.

Iuta 1:24

Ke i te Atua, tē e ia puipuia koutou ke nahe pakukū, ma e ia kaumaia koutou ki tona mamalu, e aunoa ma ni hehē ma nā loto kua tumu i te fiafia —

Fakaaliga 14:5

E hēki tala pepelo lele ki lātou, ma e hēai lele ni o lātou uiga hehē.