Loma 8:38 - Tokelauan New Testament

³⁸ Auā e mautinoa e au, e hēai he mea e mafai ke ia vavae kehea ki tātou mai tona alofa: e hē mafai e te oti pe ko te ola, e hē mafai e agelu pe ko iētahi mālohiaga i te lagi, e hē mafai e nā mea e i ei i te taimi nei, pe ko nā mea i te taimi koi mua,

Loma 8:38 ပူးပေါင်းရင်းမြစ်များ

Ioane 10:28

E kō fokia ki a te ki lātou te ola e fakavavau, ma ka hē fakaumatiagia lele ki lātou. E hē mafai e he tino oi hamu kehe atu ki lātou mai taku tauhiga.

Loma 14:7

Ko ki tātou e hē ola mo ki tātou lava oioti, ma e hē oti foki ki tātou mo ki tātou lava oioti.

Loma 14:8

Kāfai ki tātou e ola, ko ki tātou e ola mo te Aliki, ma kāfai ki tātou oti, ko ki tātou e oti mo te Aliki. Ko te mea ia, pe ko ki tātou e ola pe oti, ko ki tātou e a te Aliki.

Loma 4:21

Na mautinoa lelei lava e Apelaamo e mafai e te Atua oi fakataunuku te mea kua uma te ia folafolagia.

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

1 Kolinito 15:24

Oi pa mai ai te gataaga; ka fakatōkilalogia e Keliho ia tupu fakateagaga uma, nā taupulega ma mālohiaga uma, ma ka tuku atu e ia te Mālō ki te Atua te Tamana.

2 Kolinito 11:14

Ma e hetioa, auā e pa foki lava ki a Hātani, e ia fakahehēa ia tagata ke vēakē ko ia ko he agelu huhulu pupula!

2 Kolinito 4:13

I te tuhituhiga paia, na lea vē he tino, “Ko au na tautala ona ko au kua talitonu.” I te agaga foki lava tēnā e tahi, kua tautatala ai ki mātou ona ko ki mātou e talitonu.

Efeho 1:21

E pule ia Keliho i kinā ki nā aliki uma o te lagi, nā taupulega, nā mālō ma aliki; e hili lele atu te maualuga ma te tāua o tona tūlaga, i lo nā tūlaga uma lele i te lalolagi nei ma te ōlaga i mua.

Kolohe 1:16

Auā ko nā mea uma lele i te lagi ma te lalolagi, nā mea e kitea ma nā mea e hē kitea, fakatahi ai ma nā pule o agaga, aliki, tupu ma taupulega, na gaohia e te Atua e ala ia Keliho ma e mo ia.

Kolohe 2:15

Ma ko luga o te hātaulo te na fakatōkilalo ai e Keliho nā agaga e takua ni tupu vēnā ma nā taupulega; na fakamahiahi e ia ki lātou i mua o tagata e vē ni tino kua puke fakapagotā, e ala i te fakahavavali pito ki mua o te holo e fakailoga ai tona manumālō.

2 Timoteo 1:12

ma ko te mea ia kua maua ai au i nā puapuagā. Kae ko au e hē mā, auā e iloa e au te tino e talitonu au ki ei, ma e mautinoa e au e puipui malu e ia ke pa ki te aho fakamahino, nā mea na ia tuku maia ki a te au,

Epelu 11:13

Ko te fakatuatua te na feoti ai nā tino uma iēnei. E hēki ki lātou mauagia nā mea na folafola e te Atua, kae na ki lātou kitea mamao lele atu nā mea iēnei, ma na fiafia oi fakailoa, ko ki lātou ni tino kehe e fakaaunukua i te lalolagi.

1 Petelu 3:22

tēia kua fano ki te lagi ma e i te itū taumatau o te Atua, ma e pule ia i agelu uma, taupulega ma mālohiaga uma i te lagi.