Loma 8:36 - Tokelauan New Testament

³⁶ E vē oi lea mai te tuhituhiga paia, “Ona ko ki mātou e tautua ki a te koe, kua lamatia ai o mātou ola i taimi uma; ko ki mātou e vē ko nā māmoe kua hāuni ke tāmate.”

Loma 8:36 ပူးပေါင်းရင်းမြစ်များ

Ioane 16:2

Ka tuli kehe koutou mai loto o nā hūnako, e hē gata i tēnā, e pa mai te taimi ka manatu ai nā tino e ki lātou fahiotia koutou, ko he tiute tēnā e o ki lātou e tautua ai ki te Atua.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Gāluega 8:32

Ko te vāega o te tuhituhiga paia nae faitau e te eunuka, e vēnei: “E vē he māmoe e kave ke tāmate; e vē he punuamāmoe e fakalologo i te taimi e hele ai ona fulufulu; e hēki vaivaia lele.

1 Kolinito 15:30

Kae ko ki tātou la — he ā te tuku ai pea o tātou ola ke lamatia i taimi uma?

1 Kolinito 15:31

Te kau uho, ko toku ola e lamatia pea lava i aho uma! Ko toku mitamita ona ko koutou i te māfutaga ma Keliho Iehu to tātou Aliki, kua mafai ai au ke lea vēnei atu.

1 Kolinito 4:9

Auā e fōliga kua tuku e te Atua ki mātou te kau apohitolo ki te tūlaga e pito maualalo, e vē ni tino kua fakahalagia ke feoti i mua o tagata, e vē he mataaga mo te lalolagi kātoa o te kau agelu ma o tagata ola uma.

2 Kolinito 1:9

Na vēake lava ki māua ko ki mā ka feoti. Kae ko te mea tēnei na tupu kae ke nahe fakalagolago ai ki māua ki a te ki māua lava, kae fakalagolago oioti ki te Atua, e ia toe fakatutūa ia tagata kua oti.

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 6:9

Ko ki mātou e vē ni tino e hē iloa e tagata, oi kae e iloa e tagata uma ki mātou; e vē ki mātou ni tino kua feoti, kae e vē oi koutou kitea, ko ki mātou e ola lava. E ui e kini ki mātou, kae e hē oti ai ki mātou;

Filipi 3:10

Oioti lava la te mea e fofou au ki ei, ke iloa e au ia Keliho ma te mana o tona toetū, ke puapuagā au e vē ko ia, ma ke oti foki au e vē ko ia