Loma 8:29 - Tokelauan New Testament

²⁹ Ko ki lātou kua uma te filifilia e te Atua, kua uma foki te tōfia e ia muamua ke kavea ke vē ko tona Ataliki, kae ke kavea ai te Ataliki e vē ko te ulumatua i he kau uho tokatahi.

Loma 8:29 ပူးပေါင်းရင်းမြစ်များ

Mataio 12:50

Ko ai lava e ia faia te finagalo o toku Tamana i te lagi, ko toku uho tēnā, ko toku tuafafine tēnā ma toku mātua tēnā.”

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Mataio 28:10

Kua vāgana atu ia Iehu, “Koulua nahe mātataku. Olo oi lea ki oku uho ke olo ki Kalilaia, ma ka ki lātou kitea au i kinā.”

Mataio 7:23

Oi ka lea vē atu au ki a te ki lātou, ‘E hē kō iloa koutou. Olo kehe ma au, koutou nā tino āmio kino.’

Ioane 17:16

E hē mai te lalolagi ki lātou, e vē foki lava ko au e hē mai te lalolagi.

Ioane 17:19

Ona ko ki lātou, e ofo kātoatoa atu ai au mo koe, kae ke mafai ai foki ke ofo kātoatoa atu ki lātou mo koe, ma te fakamāoni.

Ioane 17:26

Ko koe na fakailoa e au ki a te ki lātou, ma ka kō faia pea lava te mea tēnei, kae ke ia te ki lātou ai te alofa o koe e vē ona ia te au, ma ke i ei ai foki au ia te ki lātou.”

Ioane 20:17

Kua vāgana atu ia Iehu ki a Malia “Koe nahe paki mai ki a te au, auā ko au ko hēki fanake ki toku Tamana. Kae fano ki nā uho o oku oi lea ki ei, ko au ka fanake ki toku Tamana ma te koutou Tamana, ki toku Atua ma te koutou Atua.”

Loma 11:2

E hēki tetekea e te Atua ona tagata na ia filifilia mai te kāmataga. E iloa e koutou te mea e tūhia i te tuhituhiga paia, ki te fakatagi a Elia ki te Atua e uiga ki a Ihalaelu:

Loma 13:14

Kae tātou hiki ake nā meatau a te Aliki ko Iehu Keliho, ma nahe ki tātou toe manatu ki nā uiga mātagā fakatetagata ma te fakamaliega o ona tuinanauga.

Loma 9:23

ma e vēhea pe kāfai kua ia faia te mea tēnei kae ke fakailoa ai te lahi lele o tona mamalu fakaalia mo ki tātou nā tino e fakaaga ki ei tona alofa fakahao, nā tino o ki tātou kua uma te ia tāpenagia ke maua e ki lātou tona mamalu fakaalia.

1 Kolinito 15:49

E vē ona fōliga ki tātou ki te tino na gaohia i te kelekele, ke vēnā foki ona fōliga ki tātou ki tē na fanaifo mai te lagi.

1 Kolinito 2:7

Ko te poto e folafola e ki mātou ko te poto lilo o te Atua tē e mumuni mai tagata, kae kua uma te ia filifilia ke maua ai e ki tātou ni vīkiga, ka ko hēki faia te lalolagi.

1 Kolinito 8:3

Kae ko te tino e alofa ki te Atua, e iloa ia e te Atua.

2 Kolinito 3:18

Ko ki tātou uma la te kitea ai te huhulu pupula o te Aliki e ala i o tātou fōliga e hē pupunia i he kie ufimata; ma ko te huhulu pupula lava tēnā e fokotahi e hau mai te Aliki, ko ia ko te Agaga, e ia fakaliuagia ki tātou ke vē lava ko ia, i he huhulu pupula e hilihili te uiga kehe.

Efeho 1:11

Ko nā mea uma e fakatino e tuha ai ma te fuafuaga vēnā ma te finagalo o te Atua; ma kua filifilia ki tātou e te Atua ke fai ma ona tagata i te hokotaga ma Keliho, ona ko te mea lava ia na fofou ia ki ei mai te kāmataga.

Efeho 4:24

ma fakakitea outou tino fou e vē ni kofu fou, iēia e gaohia i te fakatuha o te Atua, ma fakaalia e ala i te ōlaga moni e tonu ma paia.

Filipi 3:21

Ka hui e ia o tātou tino e pala ke vē ko tona tino mamalu, ma ko tona mana e ia mafaia ai oi tuku ia mea uma ki lalo o tana pule.

Kolohe 3:10

ma kua i ei outou tino fou. Ko te tino ola fou tēnei e fakafougia pea lava e te Atua tē na faia ia mea uma, ke fōliga ki a te ia, kae ke mālamalama kātoatoa ai koutou e uiga ki a te ia.

2 Timoteo 1:9

Ko ki tātou na fakaola e te Atua ma ia filifilia ke kavea ma ona tagata, e hē ona ko nā gāluega kua ki tātou faia, kae ona ko ana lava fuafuaga ma tona alofa tūnoa. Na ia fōki maia tona alofa tūnoa tēnei e ala ia Keliho Iehu, ka ko hēki faia te lalolagi,

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

1 Petelu 1:2

Ko koutou na filifilia e tuha ai ma fuafuaga a te Atua te Tamana, ma na fakapaiagia e tona Agaga, ke uhitaki ki a Iehu Keliho ma ke fakamamāgia i tona toto. Ke tūmau pea ia te koutou te alofa tūnoa ma te fīlēmū o te Atua.

1 Petelu 1:20

Na filifilia ia e te Atua ka ko hēki gaohia te lalolagi, ma na fātoā haele mai i nā toe aho iēnei, ke fehoahoani ki a te koutou.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.