Loma 8:26 - Tokelauan New Testament

²⁶ E vēnā foki ona fehoahoani mai te Agaga i nā mea e vāivai ai ki tātou. Auā e hē iloa e ki tātou oi tatalo e vē ona tatau ke tatalo ai ki tātou; ko te Agaga lava ia e ole atu ki te Atua mo ki tātou ma te ōi e hē mafai ke fakamatalagia i ni kupu.

Loma 8:26 ပူးပေါင်းရင်းမြစ်များ

Mataio 10:20

Auā e hē ko koutou te ka tautatala, ka ko te Agaga o te koutou Tamana e tautala, kui atu ia te koutou.

Mataio 20:22

Kae kua tali atu ia Iehu ki nā ataliki, “E hē koulua iloa te mea tēnā e lea mai ai koulua. E koulua mafaia moni oi inu ki te ipu o nā puapuagā ka inu e au?” Kua tali mai ki lāua, “E ki mā mafaia”.

Luka 22:44

Ko te popole lahi o tona loto, na ātili ai oi tatalo fakatauanau; ko tona āfu kua vēia ni motimoti toto e pakukū ifo ki te kelekele.

Ioane 14:16

Ko au ka tatalo ki te Tamana, ma ka ia fōki atua ki a te koutou hētahi Fehoahoani, ke fakatahi pea ma koutou ke pa ki te fakavavau.

Loma 15:1

Ko ki tātou iēia e mālolohi i to tātou fakatuatua, e tatau ke onohai i nā mea e hē kātoatoa ai nā tino vāivai. Nahe kavea ma mea ke fiafia ai ki tātou.

Loma 7:24

Ko au la te fakanoanoa lahi. Ko ai nei te ka ia laveakia au mai te natula fakatetagata e iku ai au ki te oti?

Loma 8:15

Auā ko te Agaga tēia kua tuku atu e te Atua ki a te koutou, e hē ia faia koutou ma pologa, ma fai ma mea e mātataku ai koutou; kae ko te Agaga te kavea ai koutou ma fānau a te Atua, ma i te mana o te Agaga e kālalaga vē atu ai ki tātou ki te Atua, “Te Tamana, To mātou Tamana!”

2 Kolinito 5:2

Ma i te taimi nei, ko ki mātou e tagi momoko ke i na tuku ifo loa ko to mātou fale mai lagi ki luga o ki mātou;

2 Kolinito 5:4

Auā kāfai ki mātou koi nonofo lava i te falekie fakatelalolagi tēnei, ko ki mātou e tagi momoko ma te agaga popole; e hē vē ko ki mātou e fofou ke tīaki o mātou tino fakatelalolagi, kae ko ki mātou e fofou ke tuku ifo ki o mātou luga te fale mai te lagi, kae ke līua ai o mātou tino e fano e oti, ke hē toe oti.

Kalatia 4:6

Ona ko koutou ni fānau e a te Atua, na ia uga maia ai te Agaga o tona Ataliki ki o tātou loto, te Agaga tēia na kalaga vē, “Te Tamana, toku Tamana!”

Efeho 2:18

Ona ko Keliho kua mafai ai ki tātou uma lele, ia tagata Iutaia ma tagata nukukehe, ke oatu i te Agaga e fokotahi ki mua o te Tamana.

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Epelu 5:2

Ona e vāivai foki ia i te lahi o itū, oi e hē ia honafaia ai foki nā tino e hē mālamalama ma i ei ni o lātou hehē.

Iakopo 4:3

Ma kāfai koutou e gogō atu ki te Atua, e hē koutou maua auā ko te mea e fakavae ai outou manatu e hehē; ko koutou e gogō ki nā mea o te lalolagi e fakaaogā ke fiafia ai lava koutou.