Loma 8:23 - Tokelauan New Testament

²³ Kae e hē nā ko nā mea na gaohia e te Atua te ōi; ko ki tātou kua ola i te Agaga, te uluaki meaalofa a te Atua, e ōi foki i loto o ki tātou lava, ka koi fakatalitali ki te Atua ke kavea ki tātou ma ana fānau ma fakahaoloto ai o tātou tagata kātoa.

Loma 8:23 ပူးပေါင်းရင်းမြစ်များ

Luka 20:36

Ka vē ki lātou ko agelu, ma e hē toe oti. Ko ki lātou ko nā fānau ia a te Atua, auā kua toe tutū mai te oti.

Luka 21:28

Kāfai nā mea iēnei e kāmata oi tutupu, tutū ki luga ma tepa ake ki te lagi, auā ko te koutou fakaolataga kua tāli pa mai.”

Loma 5:11

Kae e hē ko tēnā oioti; ko ki tātou e fiafia ona ko te mea na fai e te Atua e ala i to tātou Aliki ko Iehu Keliho, tē kua mafai ai ki tātou ke kavea ma uō a te Atua.

Loma 5:3

Ko ki tātou foki e fāfifia ki nā puapuagā e maua ai ki tātou, auā kua ki tātou iloa ko te puapuagā e tupu ai te onohai,

Loma 5:5

Ko te fakamoemoe tēnei e hē fakanoanoa ai ki tātou, auā kua liligi mai e te Atua tona alofa ki o tātou loto e ala i te Agaga Paia, te meaalofa a te Atua ki a te ki tātou.

Loma 7:24

Ko au la te fakanoanoa lahi. Ko ai nei te ka ia laveakia au mai te natula fakatetagata e iku ai au ki te oti?

Loma 8:19

Ko nā mea uma lele na gaohia e te Atua, e fakatalitali ma te amanaki lahi, ke fakailoa mai e te Atua tana fānau.

1 Kolinito 1:7

ma e hēki i ei lele he meaalofa fakateagaga e fokotahi ko hēki koutou maua, ka koi fakatalitali koutou ke fakailoa mai e te Atua to tātou Aliki ko Iehu Keliho.

2 Kolinito 1:22

ma tuku maia tana fakailoga ki o mā luga, ke iloa ai ko ki māua e a ia, ma na ia tuku maia te Agaga Paia ki o mā loto, ke fakamāonia ai nā mea uma lele kua ia hāunia mo ki māua.

2 Kolinito 7:5

Ke pa lava ki te kua taunuku o ki mātou ki Maketonia, e hēki maua lele ha mātou malōlōga. Na maua ki mātou i nā fakafītāuli kehekehe; nae tauai kupu ma iētahi tino, ma lagona te mataku i o mātou loto.

Kalatia 5:5

Kae vē la ko ki mātou, ko te mātou fakamoemoe ke fakalelei e te Atua to mātou va ma ia; ma ko te mea tēnei e hakilikili ki mātou ki ei ona ko te mana o te Agaga o te Atua, e galue ia te mātou e ala i to mātou fakatuatua.

Efeho 1:14

Ko te Agaga, ko te fakamāoniga ia ka maua e ki tātou te mea kua uma te folafola mai e te Atua ki ona tagata, ma e mautinoa ai e ki tātou ka tuku mai e te Atua te haolotoga ki ona tagata. Ke vīkia la e ki tātou tona mamalu.

Efeho 4:30

Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka i ei te Aho ka fakahaoloto ai koutou e te Atua.

Efeho 5:9

auā ko te mālamalama te kaumaia te helehelega o nā itūkāigā lelei uma lele, te āmiotonu ma te meamoni.

2 Timoteo 4:8

Nei kua fakatalitali mai ki a te au te pale o te manumālō, ko te fakaleleia tēnā o toku va ma te Atua, tēia ka tuku mai ki a te au i te Aho tēnā e te Aliki, te Fakamahino fakamāoni. Kae e hē nā ko au oioti te ka ia tuku mai ki ei, kae ka tuku atu foki e ia mo ki lātou uma e amanaki fiafia ki tona haele mai.

Tito 2:13

ka koi fakatalitali ki tātou ki te Aho fiafia tēia e amanaki ki tātou ki ei, ke fakaalia ai te mamalu o to tātou Atua hilihili ma te Fakaola ko Iehu Keliho

Epelu 9:28

E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

1 Petelu 1:7

Ko nā mea iēnei e fakamāonia ai pe moni te koutou fakatuatua. E pa foki lava ki te aulo, he mea e mafai ke fakakino, e iloa tonu tona lelei i te tuku ki te afi. E vēnā foki lava te koutou fakatuatua, he mea e hili atu te tāua i lo te aulo, ma e tatau foki ke iloa tona moni, kae ke mafai ai ke tūmau pea lava. Oi ka maua ai e koutou he vīkiga mai te Atua, ma kavea koutou ma tagata lauiloa ma te mamalu, i te Aho e haele mai ai ia Iehu Keliho.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.