Loma 8:21 - Tokelauan New Testament

²¹ ka i ei te aho e fakahaoloto ai nā mea uma na ia gaohia ma ka hē toe pala. Kae ka maua fakatahi e ki lātou te haolotoga fiafia e maua e te fānau a te Atua i to lātou mamalu.

Loma 8:21 ပူးပေါင်းရင်းမြစ်များ

Gāluega 3:21

E tatau ke nofo pea ia i te lagi ke pa ki te taimi e fakafougia ai ia mea uma, e vē ona folafola e te Atua e ala i te kau pelofeta paia nae tautua mo ia i nā aho kua loa.

Loma 8:19

Ko nā mea uma lele na gaohia e te Atua, e fakatalitali ma te amanaki lahi, ke fakailoa mai e te Atua tana fānau.

Loma 8:30

Ma ko ki lātou na muamua tōfia e te Atua, na kalagagia e ia; ma ko ki lātou na kalagagia e ia, na fakaleleia to lātou va ma ia; ma ko ki lātou na ia fakaleleia to lātou va ma ia, na i ei fakatahi ki lātou ma ia i tona mamalu.

1 Kolinito 15:42

E vēnei la te mea ka pa ki ei kāfai nā tino oti e toe tutū mai i te oti. Kāfai te tino e tanu e fano e pala, kāfai e toe fakatū mai i te oti, e hē toe pala.

Epelu 12:27

Ko te uiga o nā kupu “lūlū tahi” e fakailoa manino mai ai, ko nā mea uma lele na gaohia ka lūlūgia ma kave kehe, kae ke tūmau ai pea nā mea e hē mafai ke lūlūgia.

2 Petelu 3:13

Kae ko ki tātou e fakatalitali ki nā mea kua uma te folafola mai e te Atua: he lagi fou ma he lalolagi fou, te mea ka fakatino ai te finagalo o te Atua.

Fakaaliga 21:1

Oi kō kitea atu ai he lagi fou ma he lalolagi fou. Ko te lagi muamua ma te lalolagi muamua kua mou kehe atu, ma kua hē toe i ei he tai.