Loma 8:2 - Tokelauan New Testament

² Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

Loma 8:2 ပူးပေါင်းရင်းမြစ်များ

Ioane 4:10

Kua tali atu ia Iehu ki ei, “Ka na he mea na kē iloa te meaalofa a te Atua, ma pe ko ai foki te tino e lea atu ki a te koe mo he vai inu, anei ake kua lea koe ki ei, ma kua ia fōkiatua ki a te koe, te vai o te ola.”

Ioane 4:14

ka ko nā tino e inu ki te vai e kō fōkia ki ei, e hē toe fia inua lele. Ko te vai e kō fōkia ki a te ki lātou, e kavea ma vaipuna i loto o ki lātou, e puna ake ai pea te vai o te ola mo ki lātou, ma maua ai e ki lātou te ola e fakavavau.”

Ioane 6:63

Ko te Agaga o te Atua te maua ai te ola; ko te mālohi o te tagata e matuā hēai lava he aogā. Ko nā kupu kua tautala atu ai au ki a te koutou, e maua ai e koutou te ola mai te Agaga o te Atua.

Ioane 8:32

ka iloa e koutou te meamoni e uiga ki te Atua, ma ko te meamoni tēnei ka maua ai e koutou te haolotoga.”

Ioane 8:36

Kāfai la kua fakahaoloto koutou e te Ataliki, oi ko koutou kua haoloto moni lava.

Loma 16:3

E fakafeiloaki atu au ki a Pihila ma Akula, oku hoa kaukauna i te gāluega a Keliho Iehu;

Loma 3:27

He ā la he mea ke fāfifia ai ki tātou? E hēai lele he mea! Aiheā? Ona nei ko ki tātou e uhitaki ki te Tūlāfono? Hēai, kae ona ko ki tātou e talitonu.

Loma 5:21

Ko te mea ia, e vē ona pule te agahala e ala i te oti, e vēnā foki ona pule te alofa tūnoa o te Atua e ala i te fakaleleia o to tātou va ma ia, ma takitaki ai ki tātou ki te ola fakavavau e ala ia Iehu Keliho to tātou Aliki.

Loma 6:14

Nahe kavea te agahala ma pule o koutou; auā ko koutou e hē ola i lalo o te tūlāfono, kae e ola i lalo o te alofa tūnoa o te Atua.

Loma 6:18

Ko koutou na fakahaoloto mai i te agahala ma kua kavea ma kaukauna a te Atua ke faia te mea e tonu.

Loma 6:22

Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

Loma 7:21

Ma kua iloa e au ko te tūlāfono tēnei te māfua ai; kāfai au e fofou ke fai te mea e lelei, ko te kino lava te mea e iku ake e fai e au i taimi uma.

Loma 7:23

Kae e kō kitea e kehe te tūlāfono e galue i loto ia te au — he tūlāfono e teteke ki te Tūlāfono tēia kua talia e au i toku māfaufau. Kua fai au e ia ma pagotā a te tūlāfono e uiga ki te agahala, tēia e galue i loto o oku.

Loma 7:4

Ko koutou foki la e tatau ke vēnei, oku uho. E tuha ai ma te Tūlāfono, ko koutou kua oti, auā ko koutou ko he itūtino o te tino o Keliho; ma i te taimi nei, ko koutou e a Iehu, tē na toe fakatū mai i te oti, kae ke fua mai ai ni fua ia te ki tātou mo te Atua.

Loma 8:1

I te taimi nei la, e hēai he fakahalaga mo ki lātou e ola i te māfutaga ma Keliho Iehu.

1 Kolinito 15:45

Auā e lea mai te tuhituhiga paia, “Ko te uluaki tagata, ia Atamu, na gaohia ma tagata ola”; ka ko te Atamu mulimuli, na kavea ma Agaga e puna mai ai te ola.

2 Kolinito 3:17

Ko te Aliki ko te Agaga, ma ko fea lava e i ei ai te Agaga, e i ei ai foki te haolotoga.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

Kalatia 2:19

Kae e tuha ai ma te Tūlāfono, ko au ko he tino kua oti — na tāmate lava e te Tūlāfono — kae ke mafai ai au ke ola mo te Atua. Ko au na tāmate fakatahi ma Keliho i luga o te hātaulo,

Kalatia 5:1

Kua ia te ki tātou te haolotoga — Ko ki tātou kua fakahaoloto e Keliho! Fakamākeke la ma tūmau i te haolotoga, ma ke nahe toe kavea lele koutou ma pologa.

Kalatia 6:2

Fakatau fehoahoani tētahi ki tētahi i nā mea e fītatā ai koutou, ma e kitea i te faiga tēnei ko koutou ka uhitaki ki te tūlāfono a Keliho.

Iakopo 1:25

Kae ko nā tino e kikila ki te tūlāfono e kātoatoa te lelei, tēia e fakahaoloto ai ia tagata, ma tūmau to lātou uhitaki ki ei kae hē nā ko te fakalogo oioti ki ei ma toe puli, kae fakatino — ka fakamanuia ki lātou e te Atua i nā mea e ki lātou faia.

Fakaaliga 11:11

Kua uma te tolu ma te āfa aho, oi fanaifo ai te mānava ola mai te Atua ma ulu ki a te ki lāua, ma na tutū ai ki lāua ki luga; ma ko ki lātou uma na kikila ki ei, na mātataku lahi lele.

Fakaaliga 22:1

Na fakaali mai foki e te agelu ki a te au te vaitafe o te vai o te ola, e pāgilagila e vē ko he tioata, ma e tafe mai i te nofoāliki o te Atua ma o te Punuamāmoe,