Loma 8:14 - Tokelauan New Testament

¹⁴ Ko nā tino e takitakia e te Agaga o te Atua, ni fānau ki lātou e a te Atua.

Loma 8:14 ပူးပေါင်းရင်းမြစ်များ

Mataio 5:9

Amutia nā tino e fakatupua te fīlēmū; auā ka takua ki lātou he fānau e a te Atua!

Ioane 1:12

Kae ko ki lātou uma na taliagia ia ma talitonu ki ei; na ia tuku atua ki ei te haolotoga, ke kavea ai ki lātou ma fānau a te Atua.

Loma 8:19

Ko nā mea uma lele na gaohia e te Atua, e fakatalitali ma te amanaki lahi, ke fakailoa mai e te Atua tana fānau.

Loma 8:5

Ko nā tino e ola ma mulimuli ki te mea e fakatonu ake e o lātou natula fakatetagata, kua pūlea o lātou māfaufau e nā mea e nanau ki ei te natula fakatetagata. Ka ko nā tino e ola ma mulimuli ki te mea e fakatonu ake e te Agaga, kua pūlea o lātou māfaufau e nā mea e naunau ki ei te Agaga.

Loma 8:9

Kae ko koutou e hē ola ma mulimuli ki te mea e fakatonu atu e te natula fakatetagata ke fai; ko koutou e ola ma mulimuli ki te mea e fakatonu atu e te Agaga ke fai — pe kāfai moni ko te Agaga o te Atua e nofo i loto ia te koutou. Ko ai lava e hē ia te ia te Agaga o Keliho, e hē a Keliho te tino tēnā.

Loma 9:26

Ma i te koga tonu lava na lea vē ai te Atua ki a te ki lātou, ‘E hē ni tino koutou e ōku,’ i kinā ka takua ki lātou ni fānau e a te Atua e ola.”

Loma 9:8

Ko tona uiga, e hē ko nā fānau e fānanau i te fakatetino te kavea ma fānau a te Atua, kae ko nā fānau na fānanau ona ko te folafolaga.

2 Kolinito 6:18

Ka fai au ma outou tamana, ma ko koutou ni ataliki ma ni afafine e ōku, kua vāgana ai te Aliki Hilihilikehe.”

Kalatia 3:26

Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu.

Kalatia 4:5

ke toe fakatau mai nā tino nae mulimuli ki te Tūlāfono, kae ke kavea ai ki tātou ma fānau a te Atua.

Kalatia 4:6

Ona ko koutou ni fānau e a te Atua, na ia uga maia ai te Agaga o tona Ataliki ki o tātou loto, te Agaga tēia na kalaga vē, “Te Tamana, toku Tamana!”

Kalatia 5:16

Ko te mea e lea atu ai au ko tēnei: tuku ki te Agaga ke ia takitakiagia outou ōlaga, oi hē fakamaliea ai e koutou te natula fakatetagata.

Kalatia 5:18

Kāfai koutou e takitakia e te Agaga, ko koutou la e hē āfāina i te Tūlāfono.

Efeho 1:5

na tonu ai muamua i te Atua, ke fai ki tātou ma ana fānau e auala ia Iehu Keliho — ko te mea tēnei na fiafia ma fofou ia ke fai.

Efeho 5:9

auā ko te mālamalama te kaumaia te helehelega o nā itūkāigā lelei uma lele, te āmiotonu ma te meamoni.

1 Ioane 3:1

Kikila ki te lahi lele o te alofa o te Tamana ki a te ki tātou! Ko te lahi o tona alofa kua takua ai ki tātou ni fānau e a te Atua — ma e moni lava te mea tēnei. Ko te mea ia e hē iloa ai e te lalolagi ki tātou, ona e hē ki lātou iloa te Atua.

1 Ioane 3:24

Ko nā tino e uhitaki ki nā mea kua fakatonu mai e te Atua, e tūmau te tahi o ki lātou i te māfutaga ma te Atua, ma ko te Atua e tūmau te tahi o ia i te māfutaga ma ki lātou. Ma e ona ko te Agaga kua fōki mai e te Atua ki a te ki tātou, kua iloa ai e ki tātou ko te Atua e tūmau te tahi o ia ma ki tātou, e ala i te Agaga kua ia fōki maia ki a ki tātou.

Fakaaliga 21:7

Ko nā tino e maua e ki lātou te manumālō, ka maua e ki lātou te mea tēnei mai ia te au, ma ka fai au ma o lātou Atua, ma fai ki lātou ma aku fānau.