Loma 8:13 - Tokelauan New Testament

¹³ Auā kāfai koutou e ola e tuha ai ma te fakatetagata, ko koutou la ka pa ki te oti; kae kāfai i te fehoahoani a te Agaga e fakaumatia e koutou outou uiga kino, ko koutou ka ola.

Loma 8:13 ပူးပေါင်းရင်းမြစ်များ

Loma 6:21

He ā nei la he mea lelei ma koutou na maua, i te kua koutou faia o nā mea kua toe māhiahi ai lava koutou i te taimi nei? Ko te ikuga o nā mea iēnā ko te oti!

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

Loma 7:5

Auā i te taimi nae ola ai ki tātou e tuha ai ma o tātou natula fakatetagata, ko nā tuinanauga kino na fakaohofia e te Tūlāfono nae galue i loto o ki tātou, ke maua ai ni fua mo te oti.

Loma 8:12

Ko te mea ia te kau uho, e i ei to tātou tiute, kae e hē ko te ola e tuha ai ma te natula fakatetagata.

1 Kolinito 9:27

E fakamākeke e au toku tino i te tatuki ma pūlea ki toku loto kātoa, nā ia au e fakahala ma tuli kehe ma te tākaloga, tēia kua uma toku kalaga ki iētahi tino ke ōmamai oi tākakalo ai.

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Kalatia 6:8

Kāfai e totō e koe i te kelekele o te natula fakatetagata, mai i kinā ka fakaputu mai e koe te helehelega, ko te oti; kāfai e totō e koe i te kelekele o te Agaga, mai te Agaga ka fakaputu mai e koe te helehelega, ko te ola e fakavavau.

Efeho 4:22

Ko te mea ia, tīaki loa outou uiga tuai nae ola ai koutou muamua — nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.

Efeho 4:30

Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka i ei te Aho ka fakahaoloto ai koutou e te Atua.

Efeho 5:18

Koutou nahe konanā i te uaina, auā nā ko te fakakino ai o koutou; kae ko koutou e tatau ke fakatumu i te Agaga.

Tito 2:12

Ko ki tātou e fakatonu mai e te alofa tūnoa o te Atua, ke tīaki te ōlaga e hē āmiotonu ma te naunau ki mea o te lalolagi; ke ola pūlea, ke fai mea tonu ma ola i he ōlaga āmiotonu i te lalolagi nei,

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

1 Petelu 2:11

Ko au e vēnei atu ki a te koutou te kau uho pele, koutou iēnā e nonofo e vē ni tino kehe ma ni tino e fakaaunukua i te lalolagi tēnei! Koutou nahe mulimuli ki tuinanauga o te tino, iē e fakahaga tau pea lava ki nā mea uma e lelei i loto ia te koutou.