Loma 8:11 - Tokelauan New Testament

¹¹ Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

Loma 8:11 ပူးပေါင်းရင်းမြစ်များ

Ioane 14:17

Ko ia ko te Agaga e fakailoagia te meamoni e uiga ki te Atua. E hē mafai ke talia ia e tagata o te lalolagi, auā e hē ki lātou kitea pe iloa ia. Kae e koutou iloa ia, auā e tūmau ia ma koutou, ma e i loto ia, ia te koutou.

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

Gāluega 2:24

Kae na toe fakatū e te Atua ia Iehu mai te oti, ma fakahaoloto mai nā tīgā matuitui o te oti, auā e hē mafai e te oti oi tāofi fakapagotā ia Iehu.

Loma 16:10

E fakafeiloaki atu ki a Apelene, ko tona fakamāoni ki a Keliho kua fakamāonia. E fakafeiloaki atu ki a te koutou i te kau kāiga o Alihitopula.

Loma 16:3

E fakafeiloaki atu au ki a Pihila ma Akula, oku hoa kaukauna i te gāluega a Keliho Iehu;

Loma 16:7

E fakafeiloaki atu foki ki a Anitolika ma Iuni, oku uho Iutaia nae i te falepuipui fakatahi ki mātou; e iloa lelei lele ki lāua e te kau apohitolo, ma na muamua oi kavea ki lāua ma Kelihiano i lo au.

Loma 16:9

E fakafeiloaki atu foki ki a Oupana, te uho a kaukauna i te gāluega a Keliho, ma Hitahu taku uō pele.

Loma 6:12

Ko te agahala e hē tatau ke pule ki outou tino e fano e pala, kae ke uhitaki ai koutou ki nā tuinanauga o koutou.

Loma 8:1

I te taimi nei la, e hēai he fakahalaga mo ki lātou e ola i te māfutaga ma Keliho Iehu.

Loma 8:12

Ko te mea ia te kau uho, e i ei to tātou tiute, kae e hē ko te ola e tuha ai ma te natula fakatetagata.

Loma 8:2

Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

Loma 8:9

Kae ko koutou e hē ola ma mulimuli ki te mea e fakatonu atu e te natula fakatetagata ke fai; ko koutou e ola ma mulimuli ki te mea e fakatonu atu e te Agaga ke fai — pe kāfai moni ko te Agaga o te Atua e nofo i loto ia te koutou. Ko ai lava e hē ia te ia te Agaga o Keliho, e hē a Keliho te tino tēnā.

1 Kolinito 15:16

Auā kāfai nā tino oti e hē fakatutūa, e hēki fakatūa foki la ia Keliho.

1 Kolinito 6:14

Ko te Atua na ia fakatūa te Aliki mai te oti, ma ka ia fakatutūa foki ki tātou i tona mana.

2 Kolinito 4:11

I to mātou ōlaga kātoa, e lamatia pea lava o mātou ola ona ko Iehu, kae ke kitea ai tona ōlaga i loto o mātou tino e fano e pala.

2 Kolinito 4:14

E iloa e ki mātou ko te Atua, tē na ia fakatūa te Aliki ko Iehu ki te ola, ka ia fakatutūa foki ki mātou ma Iehu, ma ia kavea ai ki mātou fakatahi ma koutou, ki te mea e i ei ia.

2 Kolinito 5:4

Auā kāfai ki mātou koi nonofo lava i te falekie fakatelalolagi tēnei, ko ki mātou e tagi momoko ma te agaga popole; e hē vē ko ki mātou e fofou ke tīaki o mātou tino fakatelalolagi, kae ko ki mātou e fofou ke tuku ifo ki o mātou luga te fale mai te lagi, kae ke līua ai o mātou tino e fano e oti, ke hē toe oti.

Kalatia 6:8

Kāfai e totō e koe i te kelekele o te natula fakatetagata, mai i kinā ka fakaputu mai e koe te helehelega, ko te oti; kāfai e totō e koe i te kelekele o te Agaga, mai te Agaga ka fakaputu mai e koe te helehelega, ko te ola e fakavavau.

Efeho 2:5

na toe fakaola ai e ia ki tātou fakatahi ma Keliho, e ui lava ko ki tātou na feoti i te fakateagaga. Ko te alofa tūnoa o te Atua te na fakaola ai koutou.

Filipi 3:21

Ka hui e ia o tātou tino e pala ke vē ko tona tino mamalu, ma ko tona mana e ia mafaia ai oi tuku ia mea uma ki lalo o tana pule.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.

Fakaaliga 11:11

Kua uma te tolu ma te āfa aho, oi fanaifo ai te mānava ola mai te Atua ma ulu ki a te ki lāua, ma na tutū ai ki lāua ki luga; ma ko ki lātou uma na kikila ki ei, na mātataku lahi lele.