Loma 8:10 - Tokelauan New Testament

¹⁰ Kae kāfai ia Keliho e ola i loto ia te koutou, ko te Agaga tēnā o te ola mo koutou; auā kua uma te fakalelei o te va o koutou ma te Atua, e ui lava ko outou tino e fano e oti, ona ko te agahala.

Loma 8:10 ပူးပေါင်းရင်းမြစ်များ

Ioane 14:23

Kua tali mai ia Iehu ki ei, “Ko nā tino e alolofa mai ki a te au, ka uhitaki ki aku akoakoga. Ka alofa toku Tamana ki a te ki lātou, ma ka oatu ki māua ma toku Tamana ki a te ki lātou ma nonofo fakatahi ma ki lātou.

Ioane 15:5

“Ko au ko te vine, ka ko koutou ko nā lālā. Ko nā tino e tūmau to lātou tahi ia te au, ma au ia te ki lātou, ka fua mai ai ni fua e lahi; auā e hēai he mea e koutou mafaia e aunoa ma au.

Ioane 17:23

ko au ia te ki lātou ma koe ia te au, kae ke mautū ai to lātou tahi, ke iloa ai e te lalolagi ko au na uga mai e koe, ma ko koe e alofa ki a te ki lātou e vē ona alofa mai koe ki a te au.

Ioane 4:14

ka ko nā tino e inu ki te vai e kō fōkia ki ei, e hē toe fia inua lele. Ko te vai e kō fōkia ki a te ki lātou, e kavea ma vaipuna i loto o ki lātou, e puna ake ai pea te vai o te ola mo ki lātou, ma maua ai e ki lātou te ola e fakavavau.”

Ioane 6:54

Ko nā tino e kakai ki toku kanofi ma inu ki toku toto, e maua e ki lātou te ola e fakavavau, ma e kō fakatutūa ki lātou ki te ola, i te aho mulimuli.

Ioane 6:56

Ko nā tino e kakai ki toku kanofi ma inu ki toku toto, e tūmau ki lātou ia te au, ma au foki ia te ki lātou.

Loma 5:12

Ko te agahala na hau ki te lalolagi i he tino e fokotahi, ma ko tana agahala na kaumai ai foki ma te oti. Ona ko te mea tēnei, kua pa ai te oti ki te lalolagi kātoa, auā ko tagata uma lele kua agahala.

Loma 5:21

Ko te mea ia, e vē ona pule te agahala e ala i te oti, e vēnā foki ona pule te alofa tūnoa o te Atua e ala i te fakaleleia o to tātou va ma ia, ma takitaki ai ki tātou ki te ola fakavavau e ala ia Iehu Keliho to tātou Aliki.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

1 Kolinito 15:45

Auā e lea mai te tuhituhiga paia, “Ko te uluaki tagata, ia Atamu, na gaohia ma tagata ola”; ka ko te Atamu mulimuli, na kavea ma Agaga e puna mai ai te ola.

2 Kolinito 13:5

Kikila ifo koutou ki a te koutou lava ma hukehuke ifo pe koi tūmau te koutou fakatuatua. E moni nei lava e hē koutou iloa ko Keliho Iehu e i ei fakatahi ma koutou — vaganā ai la pe kāfai kua matuā pakū lava koutou i te hukega.

2 Kolinito 4:11

I to mātou ōlaga kātoa, e lamatia pea lava o mātou ola ona ko Iehu, kae ke kitea ai tona ōlaga i loto o mātou tino e fano e pala.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

Efeho 3:17

ma ko au e tatalo ko Keliho ke mau i nā loto o koutou e ala i te koutou fakatuatua. Ko au e tatalo ke mautū lelei te koutou fakavae i luga o te alofa,

Filipi 1:23

E fetoho lava i toku māfaufau nā mea iēnei e lua. Ko au e fofou keina tukua e au te ola tēnei ke fakatahi ma Keliho, auā e hili atu tēnā;

Filipi 3:9

ma ke kātoatoa lelei te māfutaga ma ia. E hēai he mea e mafai ke kō faia ke talia ai au i mua o te Atua, ona ko au e uhitaki ki te Tūlāfono a Mohe. Ko au e talia oioti i mua o te Atua pe kāfai au e fakatuatua ki a Keliho.

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

1 Tehalonia 4:16

Ka tālili te pa mai o te fakatonuga, te leo o te agelu hili, te leo o te pu a te Atua, ma ko te Aliki lava ia ka fanaifo mai te lagi. Ko ki lātou uma na oti kae talitonu ki a Keliho, ka muamua oi toe tutū mai;

Epelu 12:23

Ko koutou kua ōmamai ki te fakatahiga fiafia a nā ulumatua a te Atua, iē kua tūhia o lātou igoa i te lagi. Ko koutou kua ōmamai ki te Atua, ko ia ko te fakamahino o tagata uma, ma ko kinei foki te fakalelei kātoatoa ai ia agaga o nā tino e faia nā mea e tonu.

Epelu 9:27

Ko tagata uma e tatau ke oti fakafokotahi, ma ka uma tēnā oi kua fakamahino ai e te Atua.

Fakaaliga 14:13

Oi kō lagona atu ai he leo mai te lagi e lea vē, “Tuhi te mea tēnei ki lalo: Amutia nā tino e oti i luga o te gāluega a te Aliki, kāmata atu nei!” “Io,” kua vāgana te Agaga, “Ka fakamapu ki lātou mai a lātou gāluega, auā e mulimuli lava ki a te ki lātou te ikuga o a lātou gāluega.”