Loma 7:9 - Tokelauan New Testament

⁹ Nae i ei foki te taimi nae ola ai au e aunoa ma te kō iloa o te tūlāfono; kae i te pa maiga o te fakatonuga a te Atua, na ola ai te agahala

Loma 7:9 ပူးပေါင်းရင်းမြစ်များ

Mataio 19:20

Ka kua lea atu te tamāloa ki a te ia, “Ko nā fakatonuga uma iēnei e tauhi au ki ei. He ā la hētahi mea e tatau ke kō faia?”

Luka 15:29

Kae kua tali vē atu ki tona tamana, ‘Kikila ki nā tauhaga e lahi nae galue ai au mo koe e vē he pologa, ma e hēki i ei lele hau fakatonuga e fokotahi e hēki uhitaki au ki ei. Kae he ā nei ta aku na kua kē fōki maia? E hēai he mea. Kae ke fōki mai foki la he oti ke fai ai haku kaiga ma aku uō!

Luka 18:21

Kua tali atu te tamāloa, “Na kāmata mai lava koi tamaiti au, ko au e uhitaki pea lava ki nā fakatonuga uma iēnā.”

Loma 10:5

Ko te mea tēnei na tūhia e Mohe e uiga ki te fakaleleia o te va ma te Atua e ala i te mulimuli ki te Tūlāfono. “Ko ai lava e uhitaki ki te mea e fakatonu mai e te Tūlāfono, ka ola ia.”

Loma 7:10

kae oti au. Ma ko te fakatonuga a te Atua na tatau ke maua ai te ola, kae mo au, na maua ai oti.

Loma 7:11

Na maua e te agahala te avanoa, ma e ala i te fakatonuga a te Atua, na ia fakahehēa ai au, ma maua ai au i te oti.

Loma 7:4

Ko koutou foki la e tatau ke vēnei, oku uho. E tuha ai ma te Tūlāfono, ko koutou kua oti, auā ko koutou ko he itūtino o te tino o Keliho; ma i te taimi nei, ko koutou e a Iehu, tē na toe fakatū mai i te oti, kae ke fua mai ai ni fua ia te ki tātou mo te Atua.

Loma 7:6

Kae i te taimi nei, ko ki tātou kua haoloto mai te Tūlāfono a Mohe. Ko ki tātou kua oti ma kua hē toe haihaitia i te Tūlāfono. Ko te mea ia, ko ki tātou kua hē toe tautua ki te Atua e ala i te mulimuli ki te tūlāfono tuai e vē ona tuhituhia, kae e ala i te faiga fou e fakaali mai e te Agaga o te Atua.

Loma 7:8

Kae ona ko te fakatonuga tēnā a te Atua, na maua ai te avanoa o te agahala ke fakatupu ai nā itūkāigā lagona fakapito kehekehe ia te au. Ka na hēai he tūlāfono, e hēai foki he agahala.

Loma 8:7

Auā ko te māfaufau e pūlea e te natula fakatetagata, e teteke ki te Atua. E hē mafai ke uhitaki ki te tūlāfono a te Atua, e matuā hē mafai lava.

Kalatia 2:19

Kae e tuha ai ma te Tūlāfono, ko au ko he tino kua oti — na tāmate lava e te Tūlāfono — kae ke mafai ai au ke ola mo te Atua. Ko au na tāmate fakatahi ma Keliho i luga o te hātaulo,

Kalatia 3:10

Ko nā tino e fakalagolago ki te uhitaki ki te Tūlāfono e ola i lalo o te fakahalaga a te Atua. Auā e leamai te tuhituhiga paia, “Ko ai lava e hē uhitaki i taimi uma ki nā mea uma kua tūhia i te tuhi o te Tūlāfono, e i lalo o te fakahalaga a te Atua.”