Loma 7:6 - Tokelauan New Testament

⁶ Kae i te taimi nei, ko ki tātou kua haoloto mai te Tūlāfono a Mohe. Ko ki tātou kua oti ma kua hē toe haihaitia i te Tūlāfono. Ko te mea ia, ko ki tātou kua hē toe tautua ki te Atua e ala i te mulimuli ki te tūlāfono tuai e vē ona tuhituhia, kae e ala i te faiga fou e fakaali mai e te Agaga o te Atua.

Loma 7:6 ပူးပေါင်းရင်းမြစ်များ

Loma 1:9

E molimau te Atua ko te mea e lea atu ai au e moni — te Atua e tautua au ki ei ma toku loto kātoa, e ala i te tālaki atu e au o te Tala Lelei e uiga ki tona Ataliki. E iloa e te Atua ko koutou e kō manatua pea lava

Loma 12:2

Koutou nahe mulimuli ki faiga a te lalolagi, kae ke līua koutou e ala i te hūia kātoatoa e te Atua o outou māfaufau. Oi ka iloa tonu ai e koutou te finagalo o te Atua — te mea e gali ma e fiafia ai ia, ma e kātoatoa te lelei.

Loma 6:11

E tatau foki la ke ia te koutou te manatu, ko koutou kua oti e tuha ai ma te agahala, kae e ola i te māfutaga ma te Atua e ala ia Iehu Keliho.

Loma 6:19

(E fakaaogā e au te gagana faigōfie, ona ko te hē lava o te koutou iloa.) E i ei he taimi kua teka atu, na tuku kātoa atu ai outou tagata ke fai ma pologa a te faiamio, ma fakaaogā ai ki nā mea kino. Ke vēnā foki la ona tuku kātoa atu i te taimi nei outou tagata ke fai ma pologa a te āmiotonu, ke fakaaogā mo nā mea e paia.

Loma 6:2

E hē tatau! Kāfai ki tātou kua hē i lalo o te pule a te agahala — e vēhea la ona haga fai pea e ki tātou te agahala?

Loma 6:22

Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

Loma 6:4

I te papatihoga la o ki tātou, ko ki tātou na oti ma na tanu fakatahi ma Keliho. Ko ki tātou na papatiho kae ke ola ai ki tātou i he ola fou, e vē ona toe fakatū ia Keliho ki te ola i te mana o te Atua te Tamana.

Loma 7:1

Te kau uho, e mālamalama lele koutou i te mea ka lea atu ai au, auā kua iloa e koutou uma te tūlāfono. Ko te tūlāfono e pule oioti ki tagata i te taimi ka koi ola ai ki lātou.

Loma 7:2

Mo he fakatakitakiga: Ko he fafine kua fakaipoipo, e fuhia i te tūlāfono ki tana tāne; kae e oti loa tana tāne, oi kua haoloto ai loa ia mai te tūlāfono e fuhia ai ia ki tana tāne.

Loma 7:4

Ko koutou foki la e tatau ke vēnei, oku uho. E tuha ai ma te Tūlāfono, ko koutou kua oti, auā ko koutou ko he itūtino o te tino o Keliho; ma i te taimi nei, ko koutou e a Iehu, tē na toe fakatū mai i te oti, kae ke fua mai ai ni fua ia te ki tātou mo te Atua.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

2 Kolinito 5:17

Ho he tino kua ia te ia te hokotaga ma Keliho, ko he tino fou ia; kua teka atu te mea tuai, kae kua hau te mea fou.

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

Kalatia 6:15

E hē tāua pe pelitome te tino pe hēai; oioti lava te mea e tāua, ko te toe kavea o koe ko he tino fou.

Efeho 4:24

ma fakakitea outou tino fou e vē ni kofu fou, iēia e gaohia i te fakatuha o te Atua, ma fakaalia e ala i te ōlaga moni e tonu ma paia.

Filipi 3:3

Ko ki tātou nā tino kua mauagia te pelitome moni, auā ko ki tātou e tāpuaki ki te Atua e ala i tona Agaga, ma ko ki tātou e fiafia i to tātou ola i te māfutaga ma Keliho Iehu. E hē fakamoemoe ki tātou ki faiga a tagata i te kikila atu i fafo.

Kolohe 3:10

ma kua i ei outou tino fou. Ko te tino ola fou tēnei e fakafougia pea lava e te Atua tē na faia ia mea uma, ke fōliga ki a te ia, kae ke mālamalama kātoatoa ai koutou e uiga ki a te ia.