Loma 7:5 - Tokelauan New Testament

⁵ Auā i te taimi nae ola ai ki tātou e tuha ai ma o tātou natula fakatetagata, ko nā tuinanauga kino na fakaohofia e te Tūlāfono nae galue i loto o ki tātou, ke maua ai ni fua mo te oti.

Loma 7:5 ပူးပေါင်းရင်းမြစ်များ

Mataio 15:19

Auā e hau mai te loto nā manatu kino e tupu ai te tāmate tino, te mulilua, ma iētahi uiga hē taupulea; te kaihohoa, te talapepelo, ma te fai tala fakakino.

Ioane 3:6

E fānanau e tagata ola a lātou fānau. Kae nā ko te Agaga oioti te ia mafaia oi hūia koutou, ke kavea ma fānau a te Atua.

Loma 1:26

Ona e ki lātou faia nā mea iēnei, kua tīaki ai ki lātou e te Atua ke fai pea o lātou tuinanauga mātagā. E pa foki lava ki fafine, kua hē fia fakaaogā o lātou tino e vē ko te natula i te va o te fafine ma te taulelea, kae kua fakaaogā i ni auala e hē tuha ma te natula.

Loma 3:20

Auā e hēai he tino e mafai ke fakalelei tona va ma te Atua, ona e mulimuli ki nā mea e lea mai ai te Tūlāfono; auā ko te Tūlāfono e maua ai e ki tātou te mālamalama e uiga ki te agahala.

Loma 4:15

Ko te Tūlāfono e ala mai ai te tōkahā o te Atua; kae kāfai e hēai he tūlāfono, e hēai foki he holitūlāfono.

Loma 5:20

Ko te Tūlāfono na tuku mai ke fakaatili ai te lahi o te holi tūlāfono; kae kāfai e lahi te agahala, ka hili atu la te lahi o te alofa tūnoa o te Atua.

Loma 6:13

Nahe tuku atua foki he itūtino o outou tino ke fakaaogā e vē ni mea faigāluega mo nā mea kino. Kae e tatau ke tuku atu koutou mo te Atua, e vē ko nā tino kua toe fakatutū mai te oti ki te ola, ma tuku kātoa atu outou tagata, ke fakaaogā ma mea faigāluega mo nā mea lelei.

Loma 6:19

(E fakaaogā e au te gagana faigōfie, ona ko te hē lava o te koutou iloa.) E i ei he taimi kua teka atu, na tuku kātoa atu ai outou tagata ke fai ma pologa a te faiamio, ma fakaaogā ai ki nā mea kino. Ke vēnā foki la ona tuku kātoa atu i te taimi nei outou tagata ke fai ma pologa a te āmiotonu, ke fakaaogā mo nā mea e paia.

Loma 6:21

He ā nei la he mea lelei ma koutou na maua, i te kua koutou faia o nā mea kua toe māhiahi ai lava koutou i te taimi nei? Ko te ikuga o nā mea iēnā ko te oti!

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

Loma 7:23

Kae e kō kitea e kehe te tūlāfono e galue i loto ia te au — he tūlāfono e teteke ki te Tūlāfono tēia kua talia e au i toku māfaufau. Kua fai au e ia ma pagotā a te tūlāfono e uiga ki te agahala, tēia e galue i loto o oku.

1 Kolinito 15:56

Ko te mālohi o te oti e fakaogohia ai, e maua mai i te agahala; ko te mālohi o te agahala e maua mai i te Tūlāfono.

2 Kolinito 10:3

E hako ko ki mātou ni tino e ola i te lalolagi, kae ko ki mātou e hē tau ona ni lagona fakatelalolagi.

Kalatia 3:10

Ko nā tino e fakalagolago ki te uhitaki ki te Tūlāfono e ola i lalo o te fakahalaga a te Atua. Auā e leamai te tuhituhiga paia, “Ko ai lava e hē uhitaki i taimi uma ki nā mea uma kua tūhia i te tuhi o te Tūlāfono, e i lalo o te fakahalaga a te Atua.”

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Efeho 2:11

Ke manatua ko koutou na fānanau mai ni tagata nukukehe — nae takua “ni tino hē pelitomea” e nā tino Iutaia nae ki lātou takua ki lātou “ni tino kua pelitome” (he mea e fai ki te tino i nā lima).

Efeho 2:3

Ko te mea moni lava, ko ki tātou uma lele nae vē foki lava ko ki lātou. Ko ki tātou nae ola e tuha ai ma o tātou manakoga fakatetagata, ma nae mulimuli ki ho he mea e nanau ki ei o tātou tino ma o tātou māfaufau. I to tātou natula tēnei, ko ki tātou e vē foki lava ko iētahi tino uma lele, na tuku e pa ki ei te tōkahā o te Atua.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

Iakopo 1:15

Ko o tātou tuinanauga kino e ola ake ma fānau mai ai te agahala: ma ko te agahala, kāfai e matua, e fānau mai ai te oti.

Iakopo 4:1

He ā te tauaimiha ma fakavāvā ai koutou? E māfua ona ko koutou e tumu i nā manakoga o te lalolagi, e tauva pea lava i loto ia te koutou?

1 Ioane 3:4

Ko ai lava he tino e agahala, kua hala ia ona kua ia holia te tūlāfono a te Atua, auā ko te agahala ko he holi tūlāfono tēnā.