Loma 7:4 - Tokelauan New Testament

⁴ Ko koutou foki la e tatau ke vēnei, oku uho. E tuha ai ma te Tūlāfono, ko koutou kua oti, auā ko koutou ko he itūtino o te tino o Keliho; ma i te taimi nei, ko koutou e a Iehu, tē na toe fakatū mai i te oti, kae ke fua mai ai ni fua ia te ki tātou mo te Atua.

Loma 7:4 ပူးပေါင်းရင်းမြစ်များ

Mataio 26:26

Ka koi kakai ki lātou, oi tago ai ia Iehu ki te falaoa, kua fakafetai ki te Atua, oi tavaevae ai ma fōki ki ona hoko ma vāgana atu ki ei, “Puke mai ma kakai ki ei. Ko toku tino tēnei.”

Maleko 4:20

Ka ko iētahi tino, e vē ko nā fatu haito na lūlū ki luga o te kelekele lelei. E lagona e ki lātou te fekau oi talia ai e ki lātou ma fua mai ai nā fua: ko iētahi e taki tau toluhefulu, e taki tau onohefulu iētahi, ka ko iētahi e taki tau helau.”

Ioane 15:8

Ka fakaalia te mamalu o toku Tamana i te lahi o nā fua e fua mai ia te koutou; ma ko te mea ia e kavea ai koutou ma hoko o oku.

Ioane 3:29

Ko te tama fakaipoipo, ko te tino ia e a ia te teine fakaipoipo; ko te uō a te tama fakaipoipo e tū i ona tafa ma fakalogologo ki ei, e fiafia lele kāfai e ia lagona atu te leo o te tama fakaipoipo. Nei la, ko toku fiafia kua kātoatoa.

Ioane 6:51

Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”

Loma 6:11

E tatau foki la ke ia te koutou te manatu, ko koutou kua oti e tuha ai ma te agahala, kae e ola i te māfutaga ma te Atua e ala ia Iehu Keliho.

Loma 6:14

Nahe kavea te agahala ma pule o koutou; auā ko koutou e hē ola i lalo o te tūlāfono, kae e ola i lalo o te alofa tūnoa o te Atua.

Loma 6:2

E hē tatau! Kāfai ki tātou kua hē i lalo o te pule a te agahala — e vēhea la ona haga fai pea e ki tātou te agahala?

Loma 6:22

Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

Loma 7:3

Kāfai la te fafine e nonofo ma hētahi tamāloa ka koi ola tana tāne, ka takua ia ko he fafine mulilua. Kae kāfai kua oti tana tāne, kua haoloto la ia i te tūlāfono, ma ka hē mulilua ia kāfai e toe fakaipoipo ki hētahi tamāloa.

Loma 7:6

Kae i te taimi nei, ko ki tātou kua haoloto mai te Tūlāfono a Mohe. Ko ki tātou kua oti ma kua hē toe haihaitia i te Tūlāfono. Ko te mea ia, ko ki tātou kua hē toe tautua ki te Atua e ala i te mulimuli ki te tūlāfono tuai e vē ona tuhituhia, kae e ala i te faiga fou e fakaali mai e te Agaga o te Atua.

Loma 8:2

Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

1 Kolinito 10:16

Kāfai ki tātou e inu ki te ipu o te Fakamanatuga tēia e lea ki tātou ki te Atua ke fakamanuia, e hē ko te inu fakatahi nei tēnā o ki tātou ki te toto o Keliho? Kāfai ki tātou e kakai ki te falaoa e tavaevae e ki tātou, e hē ko te kakai fakatahi nei tēnā o ki tātou ki te tino o Keliho?

2 Kolinito 11:2

E lagona e au te fuā ki a te koutou, e vē ona fuā te Atua; auā ko koutou e vē ko he taupou lelei kātoatoa, ka tuku atu e au ke fakaipoipo ki he tamāloa e fokotahi oioti lava, ko Keliho tēnā.

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

Kalatia 5:18

Kāfai koutou e takitakia e te Agaga, ko koutou la e hē āfāina i te Tūlāfono.

Efeho 2:15

Na fakahēai e ia te Tūlāfono Iutaia vēnā ma ona fakatonuga ma poloakiga, kae ke mafai ai ke tuku fakatahi ia tagata Iutaia ma tagata nukukehe ke vē he tino e tahi i te māfutaga ma ia, ma maua ai te fīlēmū.

Filipi 1:11

Ka fakatumulia outou ōlaga i nā uiga e lelei kātoatoa e ala ia Iehu Keliho, kae ke ifo ma viviki ake ai ia tagata ki te Atua.

Filipi 4:17

E hē vē ko au e fofou oioti lava ke kō maua ni meaalofa; kae ko au e fofou ke tuputupu pea lava ia fua o autou gāluega.

Kolohe 1:10

Oi ka mafai ai loa e koutou oi ola e tuha ma te finagalo o te Aliki, ma koutou faia ai pea nā mea e fiafia ai ia. Ka fua mai autou gāluega lelei ma ka fakatupu ātili te koutou mālamalama e uiga ki te Atua.

Kolohe 1:22

Kae nei, e ala i te mate o tona Ataliki, ko koutou kua fai e te Atua ma ana uō, kae ke ōmamai ai koutou ki a te ia, kua uma te fakapaiagia, mamā ma hēai ni hehē.

Kolohe 1:6

E kaumai pea lava e te Tala Lelei nā fakamanuiaga, ma e halalau ki te lalolagi kātoa, e vē foki lava ko te mea na pa koutou ki ei, talu mai te aho muamua na koutou lagona ai e uiga ki te alofa tūnoa o te Atua, ma iloa lelei ai e koutou tona uiga moni.

Kolohe 2:14

kua fakahēai e ia a tātou kaitālafu e vē oi fakamaumaugia fakatahi ai ma ona tūlāfono nae fakamamalu ai. Kua fakatino te mea tēnei e ala i te tutuki o Keliho ki luga o te hātaulo.

Kolohe 2:20

Ko koutou na oti fakatahi ma Keliho, ma kua fakahaoloto mai koutou mai nā agaga e pule i te vāteatea. He ā la te koi ola ai lava koutou e vē ni tino e o te lalolagi tēnei? He ā te koi mulimuli ai lava koutou ki nā tūlāfono e vē ko te,

Epelu 10:10

Ona na fai e Iehu Keliho te mea na fofou ki ei te Atua, kua fakamamāgia uma ai ki tātou mai te agahala, e ala i te tāulaga na ia ofo atu ai tona lava tino i te taimi lava tēnā e fokotahi, mo tagata uma.

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

Fakaaliga 19:7

Tātou fiafia la ma olioli; tātou viviki atu ki tona hilihilikehe. Auā kua pa ki te taimi o te fakaipoipoga a te Punuamāmoe, ma kua uma te hāuniuni atu o te teine fakaipoipo mo ia.

Fakaaliga 21:9

Ko tētahi o nā agelu e toka fitu nae ia te ki lātou nā tanoa e fitu e tūtumu i nā mala mulimuli e fitu, kua hau ki a te au ma lea vē mai, “Hau, ka fakahino atu e au ki a te koe te teine fakaipoipo, ka kavea ma āvaga a te Punuamāmoe.”