Loma 7:15 - Tokelauan New Testament

¹⁵ Ko au e hē mālamalama i aku mea e fai; auā e hē kō faia nā mea e fofou au ki ei, kae e fai e au nā mea e inoino au ki ei.

Loma 7:15 ပူးပေါင်းရင်းမြစ်များ

Luka 11:48

Kua taku mai lava la e koutou, e lagolago e koutou te mea na fai e nā tupuna o koutou; na tāmate e ki lātou nā pelofeta, kae fau e koutou o lātou tugamau mānanaia.

Ioane 15:15

E hē toe kō takua koutou ni kaukauna, auā e hē iloa e nā kaukauna nā mea a to lātou matai e fai. Kae e takua koutou e au ni uō, auā kua uma te kō taku atua ki a te koutou nā mea uma na iloa e au mai toku Tamana.

Loma 12:9

Ko te alofa e tatau ke kātoatoa te moni. Inoino ki te mea e kino, tāofi mau ki te mea e lelei.

Loma 14:22

Ko nā mea kua talia e koe e uiga ki te mea tēnei, ko he mea lava i te va o koe ma te Atua. Amutia nā tino e hēai lele he fakaatu kāfai e fai e ki lātou nā mea e ki lātou iloa e hako!

Loma 7:16

Ona la ko nā mea e kō faia ko nā mea ia e hē fofou au ki ei, e fakaali mai i kinā e talia e au, ko te Tūlāfono e hako.

Kalatia 5:17

Auā ko te mea e fofou ki ei to tātou natula fakatetagata, e teteke ki te mea e fofou ki ei te Agaga, ma ko nā mea e fofou ki ei te Agaga, e teteke ki ei to tātou natula fakatetagata. Ko nā mea iēnei e lua e fetekeaki tētahi ki tētahi, ma ko tona uiga e hē koutou mafaia oi fai he mea e fofou koutou ki ei.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Epelu 1:9

Ko koe e fiafia ki te mea e tonu kae inoino ki te mea e hehē. Ko te mea ia kua filifilia ai koe e te Atua, tō Atua ma kua ia fōki atua ki a te koe he mamalu e fiafia ai koe e hili atu i lo te mamalu kua ia fōkia ki nā hoa o koe.”

Iakopo 3:2

Ko ki tātou uma e tofu ma te hehē. Kae kāfai he tino e hēai lele hona hehē i nā kupu e tautala ai, ko te tino tēnā e kātoatoa te lelei ma e ia mafaia foki oi pūlea tona tino kātoa.

Iuta 1:23

fakaola iētahi tino i te tahamu kehe mai i loto o te afi o te fakamahinoga; loto alolofa ki iētahi tino ma ko koutou foki ke fakaeteete; kae inoino ki o lātou lākei kua kelekelea i o lātou lava tuinanauga ki te tino.