Loma 7:14 - Tokelauan New Testament

¹⁴ E iloa e ki tātou ko te Tūlāfono e mai te Atua; kae ko au kua nā ko he tagata, na fakatau ke fai ma pologa a te agahala.

Loma 7:14 ပူးပေါင်းရင်းမြစ်များ

Mataio 16:23

Kae kua māfuli atu ia Iehu ki ona tua ma lea vē atu ki a Petelu, “Hātani, fano kehe koe ma au! Ko koe kua fai ma fakalavelave ki a te au, auā ko ō manatu e hē mai te Atua, kae ni manatu fakatetagata.”

Mataio 18:25

E hēki lava he tupe a te kaukauna ke totogi ai te tupe e nofo kaitālafu ai, oi fakatonu ai e te tupu ke fakatau atu ma pologa te kaukauna tēnei ma tana āvaga ma tana fānau ma ana mea uma lele, ke totogi ai tana kaitālafu.

Mataio 5:22

Kae ko au e lea atu nei ki a te koutou, ko ai lava e ita ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna.

Mataio 5:28

Kae ko au e lea atu nei ki a te koutou: ko te tino e kikila ki he fafine ma nanau ki ei, kua agahala ia i te mulilua i tona loto.

Luka 5:8

I te kiteaga e Himona Petelu o te mea tēnei kua tupu, oi tōtuli ifo ai i mua o Iehu ma lea vē atu, “Te Aliki, fano kehe ko ma au, auā ko au ko he tino agahala!”

Luka 7:6

Oi fano ai ia Iehu kua olo ma nā toeaina. Kua hē mamao ia Iehu ma te fale, kae uga mai e te takitakikau ni uō e a ia, ke lea vē ki ei, “Te Aliki, koe nahe fakafītā. Ko au ko he tino fakatauva ma e hē talafeagai ke ulu koe ki loto o toku fale,

Loma 3:9

E i ei nei la he mea e hili atu ai ki mātou tagata Iutaia i lo nā tino nukukehe? E hēai lele. Kua uma te fakailoa atu e au, e tutuha lava nā tino Iutaia ma nā tino nukukehe; ei lalo uma lava o te pule a te agahala.

Loma 6:6

Ma e iloa e ki tātou ko o tātou tagata tuai kua tāmate fakatahi ma Keliho i luga o tona hātaulo, kae ke mafai ai o tātou tino agahala ke fakaumatia, ma hē toe kavea ai ki tātou ma pologa a te agahala.

Loma 7:18

E iloa e au e hēai he mea lelei e nofo i loto ia te au — i toku natula fakatetagata. Auā e ui lava ko te loto naunau ke fai te mea e lelei e ia te au, kae e hē kō mafaia oi fai.

Kalatia 4:3

Nae vēnā foki lava ki tātou i nā aho nae tamaiti ai ki tātou. Ko ki tātou nae fai ma pologa a nā agaga e pule i te lalolagi ma te vāteatea kātoa,

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Epelu 4:12

Ko te kupu a te Atua e ola ma e mamana, e kaha atu ia i lo ho he pelu matalua. E ati lele tana tipi ki te fatumanava ma te agaga, ki te mea e i ei nā hokoga ivi ma te atilo. E ia fakamahinoagia ia manakoga ma manatunatuga o te loto.