Loma 6:6 - Tokelauan New Testament

⁶ Ma e iloa e ki tātou ko o tātou tagata tuai kua tāmate fakatahi ma Keliho i luga o tona hātaulo, kae ke mafai ai o tātou tino agahala ke fakaumatia, ma hē toe kavea ai ki tātou ma pologa a te agahala.

Loma 6:6 ပူးပေါင်းရင်းမြစ်များ

Loma 6:12

Ko te agahala e hē tatau ke pule ki outou tino e fano e pala, kae ke uhitaki ai koutou ki nā tuinanauga o koutou.

Loma 6:22

Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

Loma 7:14

E iloa e ki tātou ko te Tūlāfono e mai te Atua; kae ko au kua nā ko he tagata, na fakatau ke fai ma pologa a te agahala.

Loma 8:13

Auā kāfai koutou e ola e tuha ai ma te fakatetagata, ko koutou la ka pa ki te oti; kae kāfai i te fehoahoani a te Agaga e fakaumatia e koutou outou uiga kino, ko koutou ka ola.

2 Kolinito 5:14

Ko ki mātou e pūlea e te alofa o Keliho, ona kua mautinoa e ki mātou, kāfai na oti he tokatahi mo tagata uma, ko ki tātou uma foki la na oti.

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Kalatia 6:14

Kae e vē la ki a te au, ko au e fāfia oioti lava ona ko te hātaulo o to tātou Aliki ko Iehu Keliho. Auā ia te au, ko te lalolagi kua mate e tuha ai ma te hātaulo, ma ko au kua mate e tuha ai ma nā mea iēnei o te lalolagi.

Efeho 4:22

Ko te mea ia, tīaki loa outou uiga tuai nae ola ai koutou muamua — nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.