Loma 6:3 - Tokelauan New Testament

³ E hē koutou iloa ko ki tātou uma e fakatahi ma Keliho Iehu e ala i te papatihoga, e fakatahi foki ma ia i tona oti?

Loma 6:3 ပူးပေါင်းရင်းမြစ်များ

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

Gāluega 19:5

I te fakalogoga o ki lātou ki te mea tēnei, oi papatiho ai loa ki lātou i te igoa o te Aliki ko Iehu.

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

Gāluega 8:16

Auā ko te Agaga Paia ko hēki fanaifo ki luga o hētahi o ki lātou; kua papatiho oioti ki lātou i te igoa o te Aliki ko Iehu.

Loma 6:16

E hē koutou iloa, kāfai e tuku atu outou tagata ma pologa ke uhitaki ki he tino, ko koutou ni pologa ki te tino e uhitaki koutou ki ei — pe a te agahala, e iku ai ki te oti, pe a te uhitaki, e iku ai ki te fakaleleia o te va ma te Atua.

Loma 6:8

Ona ko ki tātou kua oti fakatahi ma Keliho, ko ki tātou foki la e talitonu, ko ki tātou ka ola fakatahi ma ia.

Loma 7:1

Te kau uho, e mālamalama lele koutou i te mea ka lea atu ai au, auā kua iloa e koutou uma te tūlāfono. Ko te tūlāfono e pule oioti ki tagata i te taimi ka koi ola ai ki lātou.

1 Kolinito 10:2

I loto o te ao ma loto o te tai, na papatiho uma ki lātou ma hoko o Mohe.

1 Kolinito 12:13

E vēnā foki la ki tātou uma, pe ko ki tātou ni tagata Iutaia pe ni tagata nukukehe, pe ni pologa pe ni tagata haoloto, ko ki tātou uma kua papatiho e te Agaga e fokotahi ki loto o te tino e fokotahi, ma kua tuku e te Atua te Agaga tēnei e fokotahi ki loto o nā loto o ki tātou uma lele.

1 Kolinito 15:29

E vē la ki nā tino e ki lātou papatihoa nā tino kua oti. He ā te fofou ki lātou ke ki lātou maua? Kāfai e hako, e vē oi lea iētahi ko nā tino kua oti e hē toe fakatutūa ki te ola, he ā la te papatiho ai nā tino kua oti?

1 Kolinito 3:16

E hē koutou iloa ko koutou ko te mālumalu o te Atua, ma ko te Agaga o te Atua e nofo i loto ia te koutou?

1 Kolinito 5:6

E hē tatau koutou ke fāfifia. E hē koutou iloa ko te tamākīkī fefete e fefete ai te paluga kātoa?

1 Kolinito 6:19

E hē koutou iloa ko outou tino ko te mālumalu ia o te Agaga Paia, e nofo i loto ia te koutou, ma na fōki atu e te Atua ki a te koutou? Ko koutou e hē a koutou kae e a te Atua;

1 Kolinito 6:9

E hē koutou iloa ko nā tino āmio kino, e hē mafai ke fai mo ki lātou te Mālō o te Atua? Ia koutou la i na fakahehēa; ko nā tino fai āmio mātagā, pe ifo ki tupua, pe mulilua, pe ko nā tamāloa e nanau ki nā tino o iētahi tamāloa,

1 Kolinito 9:13

E moni nei lava e hē koutou iloa ko nā tino e gālulue i te Mālumalu e maua a lātou meakai mai te Mālumalu, ma ko nā tino e faia nā tāulaga i te fata faitāulaga e maua to lātou vāega mai nā tāulaga?

1 Kolinito 9:24

E iloa e koutou e tokalahi nā tino fētutuli i he tūkuga, kae e fokotahi oioti te tino e maua e ia te fakailoga. Fētutuli la kae ke maua te fakailoga.

2 Kolinito 13:5

Kikila ifo koutou ki a te koutou lava ma hukehuke ifo pe koi tūmau te koutou fakatuatua. E moni nei lava e hē koutou iloa ko Keliho Iehu e i ei fakatahi ma koutou — vaganā ai la pe kāfai kua matuā pakū lava koutou i te hukega.

Kalatia 3:27

Kua uma te papatiho o koutou ma i ei koutou i te hokotaga ma Keliho. Kua kokofu koutou i te ola o Keliho, e vē i ni kofu fou.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

1 Petelu 3:21

Ko he fakailoga tēnā e fakatatau ki te papatihoga, tēia kua fakaola ai nei koutou. E hē ko te fakamamā kehega o nā kelekele mai te tino, kae ko te takutinoga e fai ki te Atua mai te lotofuatia e mamā, te fakaola ai koutou e ala i te toetū o Iehu Keliho,