Loma 6:22 - Tokelauan New Testament

²² Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

Loma 6:22 ပူးပေါင်းရင်းမြစ်များ

Mataio 13:40

E vēia ona fakaputu nā vao kino ma huhunu i te afi, e vēnā foki te mea ka pa ki ei kāfai e uma te ōlaga nei:

Mataio 13:43

Ka ko nā tino e faia te finagalo o te Atua, ka huhulu e vē ko te la i te Mālō o to lātou Tamana. Kāfai e i ei ni outou taliga, fakalogo mai la!

Mataio 19:29

Ma ko ho he tino e ia tukua tona fale, pe ko ona uho, pe ko ona tuafafine, pe ko tona tamana, pe tona mātua, pe ko tana fānau, pe ko ona fenua ona ko au, ka maua e ia he taui e hautua helau, ma vēnā foki oi maua e ia te ola e fakavavau.

Mataio 25:46

Ko nā tino la iēnei, ka kave ki te fakahalaga e pa ki te fakavavau, ka ko nā tino āmiotonu ka maua e ki lātou te ola e fakavavau.”

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 15:2

Ko nā lālā uma ia te au e hē fua mai ai ni fua, e tipi kehe e ia, kae ko nā lālā e fua mai ai ni fua, e teuteu fakamamā e ia, ke ātili fua mai ai ni fua e lahi.

Ioane 4:36

Ko te tino e ia helehelea, e maua tona totogi, ma e ia fakaputu maia na fua o te fatoaga mo te ola e fakavavau; ma ka fiafia fakatahi ai te tino e ia totōa, ma te tino e ia helehelea.

Ioane 8:32

ka iloa e koutou te meamoni e uiga ki te Atua, ma ko te meamoni tēnei ka maua ai e koutou te haolotoga.”

Loma 6:14

Nahe kavea te agahala ma pule o koutou; auā ko koutou e hē ola i lalo o te tūlāfono, kae e ola i lalo o te alofa tūnoa o te Atua.

Loma 6:18

Ko koutou na fakahaoloto mai i te agahala ma kua kavea ma kaukauna a te Atua ke faia te mea e tonu.

Loma 6:21

He ā nei la he mea lelei ma koutou na maua, i te kua koutou faia o nā mea kua toe māhiahi ai lava koutou i te taimi nei? Ko te ikuga o nā mea iēnā ko te oti!

Loma 7:25

Tātou fakafetai ki te Atua, tē e ia faia te mea tēnei e ala ia Iehu Keliho! Ko tēnei la te tūlaga e i ei au: ko au e tautua ki te Tūlāfono a te Atua i toku māfaufau oioti, kae e tautua toku natula fakatetagata ki te tūlāfono e iku ki te agahala.

Loma 7:4

Ko koutou foki la e tatau ke vēnei, oku uho. E tuha ai ma te Tūlāfono, ko koutou kua oti, auā ko koutou ko he itūtino o te tino o Keliho; ma i te taimi nei, ko koutou e a Iehu, tē na toe fakatū mai i te oti, kae ke fua mai ai ni fua ia te ki tātou mo te Atua.

Loma 8:2

Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

1 Kolinito 7:22

Auā ko he pologa na kalagagia e te Aliki, ko he tino tēnā e haoloto i te Aliki; e vēnā foki la he tino e haoloto na kalagagia e te Aliki, e kavea ia ma pologa a Keliho.

2 Kolinito 3:17

Ko te Aliki ko te Agaga, ma ko fea lava e i ei ai te Agaga, e i ei ai foki te haolotoga.

Kalatia 1:10

Ko au e hē lea vēnei atu ona ko au e fofou ki te mea e fiafia ai ia tagata. Hēai! Ko te mea e fofou au ki ei, ko te mea e fiafia ki ei te Atua. Ko au e hē taumafai ke fiafia mai ia tagata ki a te au. Kāfai ko tēnei te mea e fai e au, ko au la e hē ko he kaukauna e a Keliho.

Kalatia 5:13

Kae e vē la ki a te koutou, te kau uho, ko koutou na kalaga atu ki ei te Atua kae ke maua ai e koutou te haolotoga. Kae nahe kaveagia te haolotoga tēnei ma mea ka pūlea ai koutou e tuinanauga o te tino. Kae ke kavea te alofa ke mafai ai oi tautua tētahi ki tētahi.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Efeho 5:9

auā ko te mālamalama te kaumaia te helehelega o nā itūkāigā lelei uma lele, te āmiotonu ma te meamoni.

Filipi 1:11

Ka fakatumulia outou ōlaga i nā uiga e lelei kātoatoa e ala ia Iehu Keliho, kae ke ifo ma viviki ake ai ia tagata ki te Atua.

Filipi 4:17

E hē vē ko au e fofou oioti lava ke kō maua ni meaalofa; kae ko au e fofou ke tuputupu pea lava ia fua o autou gāluega.

Kolohe 1:10

Oi ka mafai ai loa e koutou oi ola e tuha ma te finagalo o te Aliki, ma koutou faia ai pea nā mea e fiafia ai ia. Ka fua mai autou gāluega lelei ma ka fakatupu ātili te koutou mālamalama e uiga ki te Atua.

Kolohe 4:12

E alofa atu ia Epafalahi, ko hētahi tēnei mai te koutou ekalehia ma ko he kaukauna e a Keliho Iehu. E tatalo fakatauanau pea lava ia mo koutou i taimi uma, ma gogō atu ki te Atua ke fehoahoani atu ke mautū ai te koutou tutū, koutou iēnā kua mātutua i te faka-Kelihiano ma uhitaki kātoatoa ki te finagalo o te Atua.

Tito 1:1

Mai ia Paulo, he kaukauna e a te Atua ma ko he apohitolo e a Iehu Keliho. Ko au na filifilia ke fehoahoani ki tagata o te Atua ke tūmau to lātou fakatuatua ma takitaki ki lātou ki te meamoni e akoako e te tātou talitonuga,

Epelu 12:14

Taumafai ke maua te fīlēmū i te va o koutou ma iētahi tino uma lele, ma taumafai oi ola e vē ko nā tino kua ofo atu o lātou tagata mo te Atua, auā e hēai he tino e mafai ke kikila ki te Aliki kāfai e hē ia faia te mea tēnei.

Iakopo 1:1

Mai ia Iakopo, he kaukauna e a te Atua ma e a te Aliki ko Iehu Keliho: E fakatālofa atu ki nā puikāiga e hefululua e takape i te lalolagi kātoa.

1 Petelu 1:9

auā e maua e koutou te fakaolataga mo outou agaga, ma ko te mea foki lava tēnei na ala ai oi fakatuatua koutou ki a te ia.

1 Petelu 2:16

Ko koutou ni tino e ola haoloto, kae nahe fakaaogā te haolotoga kua ia te koutou ke mumuni ai ho he mea kino; kae ola ko koutou ni pologa e a te Atua.

Fakaaliga 7:13

Kua fehili mai vē tētahi o toeaina ki a te au, “Ko ai nā tino iēnei e kokofu i nā kofu papae, ma ko fea te ōmamai ai?”