Loma 6:21 - Tokelauan New Testament

²¹ He ā nei la he mea lelei ma koutou na maua, i te kua koutou faia o nā mea kua toe māhiahi ai lava koutou i te taimi nei? Ko te ikuga o nā mea iēnā ko te oti!

Loma 6:21 ပူးပေါင်းရင်းမြစ်များ

Loma 1:32

E ki lātou iloa te tūlāfono a te Atua e lea mai ko nā tino e ola i he ōlaga vēnei e tatau ke oti. Kae kua hē gata i te haga fai pea e ki lātou o nā mea iēnei, kae e fiafia foki kinā tino e ki lātou faia nā uiga iēnei.

Loma 5:12

Ko te agahala na hau ki te lalolagi i he tino e fokotahi, ma ko tana agahala na kaumai ai foki ma te oti. Ona ko te mea tēnei, kua pa ai te oti ki te lalolagi kātoa, auā ko tagata uma lele kua agahala.

Loma 6:16

E hē koutou iloa, kāfai e tuku atu outou tagata ma pologa ke uhitaki ki he tino, ko koutou ni pologa ki te tino e uhitaki koutou ki ei — pe a te agahala, e iku ai ki te oti, pe a te uhitaki, e iku ai ki te fakaleleia o te va ma te Atua.

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

Loma 7:5

Auā i te taimi nae ola ai ki tātou e tuha ai ma o tātou natula fakatetagata, ko nā tuinanauga kino na fakaohofia e te Tūlāfono nae galue i loto o ki tātou, ke maua ai ni fua mo te oti.

Loma 8:13

Auā kāfai koutou e ola e tuha ai ma te fakatetagata, ko koutou la ka pa ki te oti; kae kāfai i te fehoahoani a te Agaga e fakaumatia e koutou outou uiga kino, ko koutou ka ola.

Loma 8:6

Kāfai te māfaufau e pūlea e te natula fakatetagata, ko te ikuga ko te oti; kāfai e pūlea e te Agaga, ko te ikuga ko te ola ma te fīlēmū.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Kolinito 7:11

Kikila ki te mea na fai e te Atua ki te loto fakanoanoa o koutou: kua fakaatili lele ai te koutou naunau ke fakamāonia e hēai he hehē o koutou! Te lahi o te koutou hē fiafia, te loto popole, te atuatuvale, te lagolago mālohi mai ki a te au, ma te naunau ke fakahalagia o tē kua faia he mea hehē. Kua fakamāonia lava e koutou te hako o koutou, i te mea kātoa tēnei.

Filipi 3:19

Ko te ikuga o nā tino iēnei e fakaumatiagia, auā kua atua ki lātou ki o lātou manakoga fakatetino. E fāfifia i nā mea e tatau ke māhiahi ai, ma e māfaufau oioti lava ki nā mea o te lalolagi.

Epelu 10:29

He ā la te mea e pa ki ei ki lātou e teteke ki te Ataliki o te Atua? ki lātou e manatu māmā ki te toto o te feagaiga a te Atua e fakamamā ai ki lātou mai te agahala? ki lātou e tauemu ki te Agaga e hau ai te alofa tūnoa? Māfaufau ki te kino lahi lele o te fakahalaga ka pa ki lātou ki ei!

Epelu 6:8

Kae kāfai e ola ake ai ni lākau tālatala ma ni vao kino, e hēai hona aogā, ma e ono fetū e te Atua ma huhunu i te afi.

Iakopo 1:15

Ko o tātou tuinanauga kino e ola ake ma fānau mai ai te agahala: ma ko te agahala, kāfai e matua, e fānau mai ai te oti.

Iakopo 5:20

ke koutou manatua te mea tēnei: ko ai lava e ia toe kaumaia he tino agahala mai te auala hehē, ka fakahao e ia te agaga o te tino tēnā mai te oti ma ka fai tēnā ma auala e fakamāgalo ai ia agahala e lahi.

1 Petelu 4:17

Auā kua pa mai te taimi ka kāmata ai te fakamahinoga, ma ko nā tino moni o te Atua ko ki lātou iēnā te ka muamua oi fakamahino. Kāfai e kāmata ia te ki tātou, he ā nei te ikuga o nā tino e hē talitonu ki te Tala Lelei mai te Atua?

1 Ioane 2:28

Taku fānau, koutou ke tūmau pea i te māfutaga ma Keliho, kae ke fakatumulia ai ki tātou i te loto mākeke kae hē ko te matamumuli ma te fia mumuni ia te ia, i te Aho e haele mai ai.

Fakaaliga 16:6

Na fakamaligi e ki lātou te toto o tagata o te Atua ma te kau pelofeta, ma kua fōki e koe nā toto ki a te ki lātou ke inu. Ko tēnā lava te mea e tatau mo ki lātou.”

Fakaaliga 20:14

Oi togi ai te Oti ma Heoli ki loto o te vaitūloto o te afi mumū. (Ko te vaitūloto tēnei o te afi, ko te oti tona lua ia.)