Loma 6:16 - Tokelauan New Testament

¹⁶ E hē koutou iloa, kāfai e tuku atu outou tagata ma pologa ke uhitaki ki he tino, ko koutou ni pologa ki te tino e uhitaki koutou ki ei — pe a te agahala, e iku ai ki te oti, pe a te uhitaki, e iku ai ki te fakaleleia o te va ma te Atua.

Loma 6:16 ပူးပေါင်းရင်းမြစ်များ

Mataio 20:4

oi lea vē atu ai ki ei, ‘Olo oi gālulue i te tōvine kae totogi koutou e au i te totogi e fetaui.’

Mataio 6:24

“E hēai he tino e mafai ke kaukauna ki ni matai e toka lua; auā ka ita ki tētahi kae alofa ki tētahi; ka fakamāoni ki tētahi kae inoino ki tētahi. E hē mafai koe ke kaukauna uma ki te Atua ma nā tupe.

Ioane 8:34

Oi lea atu ai ia Iehu ki ei, “E takutino atu e au ki a te koutou te meamoni: ho he tino e agahala, ko he pologa tēnā e a te agahala.

Loma 11:2

E hēki tetekea e te Atua ona tagata na ia filifilia mai te kāmataga. E iloa e koutou te mea e tūhia i te tuhituhiga paia, ki te fakatagi a Elia ki te Atua e uiga ki a Ihalaelu:

Loma 12:1

Ko te mea ia oku uho, ona ko te lahi o te alofa fakahao o te Atua mo ki tātou, e talohaga atu ai au ki a te koutou ke ofo atu outou tagata ma tāulaga ola ki te Atua, e mamā ma e fiafia ia ki ei. Ko te tāpuakiga moni tēnei e tatau ke ofo atu e koutou ki te Atua.

Loma 6:17

Kae fakafetai ki te Atua, auā e ui lava nae i ei he taimi na fai ai koutou ma pologa a te agahala, ka kua uhitaki koutou ma te loto kātoatoa ki te tūlaga o nā akoakoga na maua e koutou.

1 Kolinito 3:16

E hē koutou iloa ko koutou ko te mālumalu o te Atua, ma ko te Agaga o te Atua e nofo i loto ia te koutou?

1 Kolinito 5:6

E hē tatau koutou ke fāfifia. E hē koutou iloa ko te tamākīkī fefete e fefete ai te paluga kātoa?

1 Kolinito 6:2

E hē koutou iloa ko tagata o te Atua te ki lātou fakamahinoagia te lalolagi? Kāfai la ka fakamahino e koutou te lalolagi, e hē mafai nei la e koutou oi fakamahino nā tamā mea?

1 Kolinito 6:3

E hē koutou iloa ko nā agelu e fakamahino e ki tātou? Ma kāfai la e vēnā, ko tona uiga e mafai e ki tātou oi fakamahino ho he mea i tēnei ōlaga.

1 Kolinito 6:9

E hē koutou iloa ko nā tino āmio kino, e hē mafai ke fai mo ki lātou te Mālō o te Atua? Ia koutou la i na fakahehēa; ko nā tino fai āmio mātagā, pe ifo ki tupua, pe mulilua, pe ko nā tamāloa e nanau ki nā tino o iētahi tamāloa,

1 Kolinito 9:13

E moni nei lava e hē koutou iloa ko nā tino e gālulue i te Mālumalu e maua a lātou meakai mai te Mālumalu, ma ko nā tino e faia nā tāulaga i te fata faitāulaga e maua to lātou vāega mai nā tāulaga?

1 Kolinito 9:24

E iloa e koutou e tokalahi nā tino fētutuli i he tūkuga, kae e fokotahi oioti te tino e maua e ia te fakailoga. Fētutuli la kae ke maua te fakailoga.

2 Petelu 2:19

E folafola e ki lātou te haolotoga, kae ko ki lātou foki ni pologa a nā uiga kino e fakaumatia ai lava ki lātou — auā ko te tagata ko he pologa a ho he mea kua fakatōkilalogia ia.