Loma 6:12 - Tokelauan New Testament

¹² Ko te agahala e hē tatau ke pule ki outou tino e fano e pala, kae ke uhitaki ai koutou ki nā tuinanauga o koutou.

Loma 6:12 ပူးပေါင်းရင်းမြစ်များ

Loma 13:14

Kae tātou hiki ake nā meatau a te Aliki ko Iehu Keliho, ma nahe ki tātou toe manatu ki nā uiga mātagā fakatetagata ma te fakamaliega o ona tuinanauga.

Loma 2:8

Kae ka fakaalia tona ita ma tona tōkahā ki a te ki lātou e manatu fakapito ma teteke ki te mea e hako, kae ke mulimuli ai pea ki lātou ki te mea e hehē.

Loma 5:21

Ko te mea ia, e vē ona pule te agahala e ala i te oti, e vēnā foki ona pule te alofa tūnoa o te Atua e ala i te fakaleleia o to tātou va ma ia, ma takitaki ai ki tātou ki te ola fakavavau e ala ia Iehu Keliho to tātou Aliki.

Loma 6:14

Nahe kavea te agahala ma pule o koutou; auā ko koutou e hē ola i lalo o te tūlāfono, kae e ola i lalo o te alofa tūnoa o te Atua.

Loma 6:16

E hē koutou iloa, kāfai e tuku atu outou tagata ma pologa ke uhitaki ki he tino, ko koutou ni pologa ki te tino e uhitaki koutou ki ei — pe a te agahala, e iku ai ki te oti, pe a te uhitaki, e iku ai ki te fakaleleia o te va ma te Atua.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

Loma 8:13

Auā kāfai koutou e ola e tuha ai ma te fakatetagata, ko koutou la ka pa ki te oti; kae kāfai i te fehoahoani a te Agaga e fakaumatia e koutou outou uiga kino, ko koutou ka ola.

2 Kolinito 4:11

I to mātou ōlaga kātoa, e lamatia pea lava o mātou ola ona ko Iehu, kae ke kitea ai tona ōlaga i loto o mātou tino e fano e pala.

2 Kolinito 5:4

Auā kāfai ki mātou koi nonofo lava i te falekie fakatelalolagi tēnei, ko ki mātou e tagi momoko ma te agaga popole; e hē vē ko ki mātou e fofou ke tīaki o mātou tino fakatelalolagi, kae ko ki mātou e fofou ke tuku ifo ki o mātou luga te fale mai te lagi, kae ke līua ai o mātou tino e fano e oti, ke hē toe oti.

Kalatia 5:16

Ko te mea e lea atu ai au ko tēnei: tuku ki te Agaga ke ia takitakiagia outou ōlaga, oi hē fakamaliea ai e koutou te natula fakatetagata.

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Efeho 2:3

Ko te mea moni lava, ko ki tātou uma lele nae vē foki lava ko ki lātou. Ko ki tātou nae ola e tuha ai ma o tātou manakoga fakatetagata, ma nae mulimuli ki ho he mea e nanau ki ei o tātou tino ma o tātou māfaufau. I to tātou natula tēnei, ko ki tātou e vē foki lava ko iētahi tino uma lele, na tuku e pa ki ei te tōkahā o te Atua.

Efeho 4:22

Ko te mea ia, tīaki loa outou uiga tuai nae ola ai koutou muamua — nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.

1 Tehalonia 4:5

e hē i ni manakoga fakatetino, e vē ko tagata fakapaupau e hē ki lātou iloagia te Atua.

2 Timoteo 2:22

Tau mamao ma nā manatu fakataulealea, ma tauivi mo te āmiotonu, te fakamāoni, te alofa ma te fīlēmū, fakatahi ma ki lātou e tāpuaki atu ki te Atua ma te loto mamā.

Tito 2:12

Ko ki tātou e fakatonu mai e te alofa tūnoa o te Atua, ke tīaki te ōlaga e hē āmiotonu ma te naunau ki mea o te lalolagi; ke ola pūlea, ke fai mea tonu ma ola i he ōlaga āmiotonu i te lalolagi nei,

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

1 Petelu 1:14

Uhitaki ki te Atua, ma nahe pūlea outou ōlaga e nā manatu nae ia te koutou kae ko hēki koutou iloa ai te Tala Lelei e uiga ki a Iehu Keliho.

1 Petelu 2:11

Ko au e vēnei atu ki a te koutou te kau uho pele, koutou iēnā e nonofo e vē ni tino kehe ma ni tino e fakaaunukua i te lalolagi tēnei! Koutou nahe mulimuli ki tuinanauga o te tino, iē e fakahaga tau pea lava ki nā mea uma e lelei i loto ia te koutou.

Iuta 1:16

Ko nā tino iēnei e mālohi te taumūimui ma e taku hehē pea lava e ki lātou iētahi tino; e mulimuli ki o lātou lava tuinanauga; e gugutu ma fakavikiviki e ki lātou iētahi tino kae ke mafai ai ke hao a lātou mea e fai.

Iuta 1:18

Na lea atu ki a te koutou, “Kāfai e pa mai nā toe aho, ka ōmamai nā tino ma taufakalili atu ki a te koutou, nā tino e pūlea o lātou ōlaga e o lātou lava tuinanauga hē pūlea.”