Loma 5:2 - Tokelauan New Testament

² Kua kaumai e ia ki tātou e ala i to tātou fakatuatua, ki te alofa tūnoa o te Atua, tēia e ola ai nei ki tātou. Ko ki tātou la e fāfifia ona ko te tātou fakamoemoe, ke i ei fakatahi ki tātou i te huhulu pupula mamalu o te Atua.

Loma 5:2 ပူးပေါင်းရင်းမြစ်များ

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

Ioane 10:7

Oi toe vāgana atu ai ia Iehu, “E takutino atu e au ki a te koutou te meamoni: ko au ko te faitotoka mo nā māmoe.

Ioane 10:9

Ko au ko te faitotoka. Ko nā tino e kui mai ia te au, ka fakahao; ka ōmamai ki loto ma olo ki fafo ma ki lātou maua te vao lelei.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 5:24

“E takutino atu e au ki a te koutou te meamoni; ko nā tino e fakalogo ki taku kupu ma talitonu ki tē na ia uga maia au, ka maua e ki lātou te ola e fakavavau. E hē fakamahinoa ki lātou, kae kua teka atu ki lātou mai te oti, ki te ola.

Gāluega 14:27

Kua pa atu ki lāua ki Anitioka, oi fakapotopoto ai e ki lāua ia tagata o te Ekalehia, ma fakamatala ai ki ei nā mea na fai e te Atua ki a te ki lāua, ma te auala na ia hāuniagia ke mafai ai ia tagata nukukehe ke talitonu.

Loma 11:20

E hako. Na tagau kehe ona e hēki talitonu, kae ko koe e tūmau pea ona ko koe e talitonu. Ia koe la nahe fāfia, kae ke lagona e koe te mataku.

Loma 12:12

Ke kavea te koutou fakamoemoe ma mea e fiafia ai pea lava koutou, onohai i nā puapuagā, ma tatalo i taimi uma.

Loma 14:4

Ko ai nei koe ke fakamahino ai e koe nā kaukauna a hētahi tino? Nā ko te lātou Matai lava oioti te ia faia te tonu pe hako a lātou mea e fai pe hēai, ma ka fehoahoani te Aliki ki a te ki lātou ke mautinoa ko a lātou mea e fai e hako.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

Loma 3:23

Ko ki tātou uma lele kua agahala, ma kua hē ki tātou mafaia ai oi fakailoa atu te mamalu o te Atua.

Loma 5:5

Ko te fakamoemoe tēnei e hē fakanoanoa ai ki tātou, auā kua liligi mai e te Atua tona alofa ki o tātou loto e ala i te Agaga Paia, te meaalofa a te Atua ki a te ki tātou.

Loma 8:1

I te taimi nei la, e hēai he fakahalaga mo ki lātou e ola i te māfutaga ma Keliho Iehu.

Loma 8:24

Auā ko te fakamoemoe te na fakaola ai ki tātou; kae kāfai e kitea e ki tātou te mea e fakamoemoe ki tātou ki ei, ko tona uiga e hē ko he fakamoemoe te mea tēnā. Auā ko ai he tino e fakamoemoe ki he mea e ia kitea?

1 Kolinito 15:1

I te taimi nei, e fia fakamanatu atu e au ki a te koutou oku uho, te Tala Lelei kua uma te folafola atu e au ki a te koutou, tēia kua talia e koutou ma kua mautū ai te koutou fakatuatua.

2 Kolinito 3:18

Ko ki tātou uma la te kitea ai te huhulu pupula o te Aliki e ala i o tātou fōliga e hē pupunia i he kie ufimata; ma ko te huhulu pupula lava tēnā e fokotahi e hau mai te Aliki, ko ia ko te Agaga, e ia fakaliuagia ki tātou ke vē lava ko ia, i he huhulu pupula e hilihili te uiga kehe.

2 Kolinito 4:17

Ma ko nā tamā fakafītāuli iēnei e fetaiaki ma ki mātou ka maua ai e ki mātou nā vīkiga e fakavavau, e lahi mamao atu i lo nā fakafītāuli.

Efeho 2:18

Ona ko Keliho kua mafai ai ki tātou uma lele, ia tagata Iutaia ma tagata nukukehe, ke oatu i te Agaga e fokotahi ki mua o te Tamana.

Efeho 3:12

Ona ko te hokotaga vāvālalata a ki tātou ma Keliho ma to tātou fakatuatua ki a te ia, kua loto toa ai ki tātou ke oatu ki mua o te Atua ma te mautinoa kātoatoa.

Efeho 6:13

Ko te mea ia, kokofu loa i te kofutau kātoatoa o te Atua! Kāfai la e pa mai te aho kino, e koutou mafaia oi teteke atu nā ohofakiga a te fili, ma kāfai e uma te tau o koutou ke pa ki te ikuga, ka hē māluelue lele te koutou tutū.

2 Tehalonia 2:16

Ke fōki mai ki a te ki tātou i te alofa tūnoa o to tātou Aliki ko Iehu Keliho ma te Atua to tātou Tamana, tē e alofa mai ki a te ki tātou, te fakamāfanafanaga tūmau ma te fakamoemoe mautū,

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

Epelu 6:18

Ko nā mea la iēnei e lua, e hē mafai ke toe huia ma e hē mafai te Atua ke pepelo e uiga ki ei. Ko ki tātou la iē kua maua te haogalēmū i te Atua, ka ātili mautū ai to tātou pipiki ki te fakamoemoe kua ia kaumaia ki a te ki tātou.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

Fakaaliga 21:11

ma e huhulu e vē ko te pupula o te mamalu o te Atua. Ko te kakai e huhulu lanu hehega ma lanu meamata kukula, te lanu o te fatu manaia ma taugatā ko te iahepi, ma mamā pāgilagila vē he tioata.

Fakaaliga 21:23

Kua hē toe manakomia e te kakai te la ma te māhina, auā ko te pupula o te mamalu o te Atua e huhulu ki ei, ma ko te Punuamāmoe ko tona mōlī ia.

Fakaaliga 21:3

Na lagona atu e au he leo e tautala leo lahi mai te nofoāliki e lea vē: “Kikila, ko te fale o te Atua kua i te mea e i ei ona tagata! Ka nofo fakatahi ia ma ki lātou, ma ka kavea ki lātou ma ona tagata. Ko te Atua ka i ei ma ki lātou, ma ka fai ia ma Atua o ki lātou.

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.