Loma 5:15 - Tokelauan New Testament

¹⁵ Kae ko te meaalofa fōki fua e hē vē ko te agahala a Atamu. E hako e tokalahi na feoti ona ko te agahala a he tino e fokotahi. Kae ko te alofa tūnoa o te Atua e hili lele atu te lahi, ma vēnā tana meaalofa fōki fua mo te tokalahi o tagata e ala i te alofa tūnoa o he tino e fokotahi, ko Iehu Keliho.

Loma 5:15 ပူးပေါင်းရင်းမြစ်များ

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Mataio 26:28

ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi, ke fakamāgalo ai a lātou agahala.

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 4:10

Kua tali atu ia Iehu ki ei, “Ka na he mea na kē iloa te meaalofa a te Atua, ma pe ko ai foki te tino e lea atu ki a te koe mo he vai inu, anei ake kua lea koe ki ei, ma kua ia fōkiatua ki a te koe, te vai o te ola.”

Gāluega 15:11

Hēai! Ko ki tātou kua talitonu ma e fakaolagia e ala i te alofa tūnoa o te Aliki ko Iehu Keliho, e vē foki lava ko ki lātou.”

Loma 5:12

Ko te agahala na hau ki te lalolagi i he tino e fokotahi, ma ko tana agahala na kaumai ai foki ma te oti. Ona ko te mea tēnei, kua pa ai te oti ki te lalolagi kātoa, auā ko tagata uma lele kua agahala.

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

2 Kolinito 5:14

Ko ki mātou e pūlea e te alofa o Keliho, ona kua mautinoa e ki mātou, kāfai na oti he tokatahi mo tagata uma, ko ki tātou uma foki la na oti.

2 Kolinito 9:15

Tātou fakafetai ki te Atua ona ko tana meaalofa tāua lahi.

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

Epelu 2:9

Kae kua ki tātou kitea ia Iehu, tē na fakamaulalogia i lo nā agelu mo hina taimi, kae ke oti ai ia e ala i te alofa tūnoa o te Atua, mo tagata uma lele. I te taimi nei la, kua kitea e ki tātou ko Iehu kua fakapalegia i te paia ma te mamalu, ona ko tona onohai i nā puapuagā na pa ia ki ei i tona mate.

1 Ioane 2:2

Ma ko Keliho ko te tāulaga ia e kave kehea ai a tātou agahala, ma e hē nā ko a tātou agahala oioti, kae e vēnā foki ia agahala a tagata uma o te lalolagi.

1 Ioane 5:11

Ko tēnei te molimau: Kua fōki mai e te Atua ki a te ki tātou te ola e hē gata, ma ko te ola tēnei e maua e ala i tona Ataliki.