Loma 5:12 - Tokelauan New Testament

¹² Ko te agahala na hau ki te lalolagi i he tino e fokotahi, ma ko tana agahala na kaumai ai foki ma te oti. Ona ko te mea tēnei, kua pa ai te oti ki te lalolagi kātoa, auā ko tagata uma lele kua agahala.

Loma 5:12 ပူးပေါင်းရင်းမြစ်များ

Loma 3:23

Ko ki tātou uma lele kua agahala, ma kua hē ki tātou mafaia ai oi fakailoa atu te mamalu o te Atua.

Loma 5:18

Ko te mea ia, e vē ona fakahalagia ia tagata uma ona ko he agahala a he tino e fokotahi, e vēnā foki ona māgalo ia tagata uma ma maua e ki lātou te ola, ona ko he gāluega lelei a he tino e fokotahi.

Loma 5:19

Ma e vē ona kavea te tokalahi o tagata ma tagata agahala ona ko te hē uhitaki o he tino e fokotahi, ka vēnā foki ona fakaleleia to lātou va ma te Atua, ona ko te uhitaki o he tino e fokotahi.

Loma 5:21

Ko te mea ia, e vē ona pule te agahala e ala i te oti, e vēnā foki ona pule te alofa tūnoa o te Atua e ala i te fakaleleia o to tātou va ma ia, ma takitaki ai ki tātou ki te ola fakavavau e ala ia Iehu Keliho to tātou Aliki.

Loma 6:21

He ā nei la he mea lelei ma koutou na maua, i te kua koutou faia o nā mea kua toe māhiahi ai lava koutou i te taimi nei? Ko te ikuga o nā mea iēnā ko te oti!

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

1 Kolinito 15:56

Ko te mālohi o te oti e fakaogohia ai, e maua mai i te agahala; ko te mālohi o te agahala e maua mai i te Tūlāfono.

Efeho 2:3

Ko te mea moni lava, ko ki tātou uma lele nae vē foki lava ko ki lātou. Ko ki tātou nae ola e tuha ai ma o tātou manakoga fakatetagata, ma nae mulimuli ki ho he mea e nanau ki ei o tātou tino ma o tātou māfaufau. I to tātou natula tēnei, ko ki tātou e vē foki lava ko iētahi tino uma lele, na tuku e pa ki ei te tōkahā o te Atua.

Iakopo 1:15

Ko o tātou tuinanauga kino e ola ake ma fānau mai ai te agahala: ma ko te agahala, kāfai e matua, e fānau mai ai te oti.

Iakopo 3:2

Ko ki tātou uma e tofu ma te hehē. Kae kāfai he tino e hēai lele hona hehē i nā kupu e tautala ai, ko te tino tēnā e kātoatoa te lelei ma e ia mafaia foki oi pūlea tona tino kātoa.