Loma 4:21 - Tokelauan New Testament

²¹ Na mautinoa lelei lava e Apelaamo e mafai e te Atua oi fakataunuku te mea kua uma te ia folafolagia.

Loma 4:21 ပူးပေါင်းရင်းမြစ်များ

Mataio 19:26

Kua kikila hako atu ia Iehu ki a te ki lātou ma tali vē atu, “Ko te mea tēnei e matuā hē mafai lava e tagata, kae e mafai ia mea uma e te Atua.”

Luka 1:1

Ki a Teofilo: E vē ona iloa e koe, e tokalahi nā tino kua taumafai ke ki lātou fakamaumaua ki lalo nā mea kua uma te fakataunukugia.

Luka 1:37

Auā e hēai he mea e fokotahi e hē mafai e te Atua.”

Luka 1:45

Amutia koe e talitonu ko te mea na vāgana atu ai te Aliki ki a te koe, ka fakataunuku lava!”

Loma 14:4

Ko ai nei koe ke fakamahino ai e koe nā kaukauna a hētahi tino? Nā ko te lātou Matai lava oioti te ia faia te tonu pe hako a lātou mea e fai pe hēai, ma ka fehoahoani te Aliki ki a te ki lātou ke mautinoa ko a lātou mea e fai e hako.

Loma 14:5

Ko iētahi tino e manatu e i ei he aho e tāua atu i lo iētahi aho, ka ko iētahi e manatu e tutuha uma lava nā aho. E tatau koutou tau tokatahi, ke mautū outou tāofi ki nā mea kua talitonu koutou ki ei.

Loma 8:38

Auā e mautinoa e au, e hēai he mea e mafai ke ia vavae kehea ki tātou mai tona alofa: e hē mafai e te oti pe ko te ola, e hē mafai e agelu pe ko iētahi mālohiaga i te lagi, e hē mafai e nā mea e i ei i te taimi nei, pe ko nā mea i te taimi koi mua,

2 Kolinito 9:8

Ma e mafai e te Atua oi fōki atu nā fakamanuiaga e lahi atu lele mo koutou, kae ke maua ai e koutou nā mea uma e manakomia e koutou, ma lava ma totoe mo iētahi gāluega lelei.

2 Timoteo 1:12

ma ko te mea ia kua maua ai au i nā puapuagā. Kae ko au e hē mā, auā e iloa e au te tino e talitonu au ki ei, ma e mautinoa e au e puipui malu e ia ke pa ki te aho fakamahino, nā mea na ia tuku maia ki a te au,

Epelu 11:13

Ko te fakatuatua te na feoti ai nā tino uma iēnei. E hēki ki lātou mauagia nā mea na folafola e te Atua, kae na ki lātou kitea mamao lele atu nā mea iēnei, ma na fiafia oi fakailoa, ko ki lātou ni tino kehe e fakaaunukua i te lalolagi.

Epelu 11:19

Nae mautinoa lava e Apelaamo e mafai e Atua oi toe fakatutū nā tino mai te oti — ma i hētahi itū, na toe fakafoki lava e te Atua ki a Apelaamo tona ataliki ko Ihaako.