Loma 4:19 - Tokelauan New Testament

¹⁹ Ko Apelaamo i te taimi tēnā, kua tāli kātoa tona helau tauhaga kae ko tona fakatuatua e hēki fakaitiitia lele kāfai e māfaufau ki tona tino kua hē mafaia he mea, pe ko te tūlaga i te hē fai tama o Hala.

Loma 4:19 ပူးပေါင်းရင်းမြစ်များ

Mataio 14:29

“Hau la!” kua tali mai ia Iehu. Oi tū ifo ai loa lava ia Petelu ki lalo mai te vaka kua kāmata oi havali ki a Iehu i luga o te kilitai.

Mataio 14:31

Na papae atu ai loa lava ia Iehu i te taimi tēnā oi tāofi mai te lima o Petelu ma lea vē atu ki ei, “Kai te taigole ātili lele o tō fakatuatua! He ā te na māhalohalo ai koe?”

Mataio 6:30

Kae kāfai ko te Atua te ia fakakofua te mutia ola vale, te ia e ola mai i te aho nei kae taeao e togi ki loto o te ogāumu ke huhunu, ka hē hili atu nei la ona mautinoa ka ia fakakofua koutou? Kai te taigole ātili o te koutou fakatuatua!

Mataio 8:26

Ka kua tali atu ia Iehu ki a te ki lātou, “He ā te mātataku ai koutou? Kai te taigole lele o te koutou fakatuatua!” Oi tū ai ia Iehu ki luga kua fakatonu te matagi ma nā galu ke mālū, oi toku ai loa te matagi ma toka te tai, ma kua tokihi te malino.

Loma 14:21

E hako te hē kakai ki nā kanofi o nā manuvaefa, te hē inu ki te uaina, pe ko te fai o he mea e tau tevateva ai ho uho ia Keliho.