Loma 4:17 - Tokelauan New Testament

¹⁷ e vē oi tūhia i te tuhituhiga paia, “Kua kō faia koe ma tamana o mālō e lahi.” Ko te folafolaga la e lelei i te kikila a te Atua, te Atua nae talitonu ki ei ia Apelaamo — te Atua e ia toe fakatutūa nā tino kua oti, ma ko tana fakatonuga e maua ai te ola e nā mea nae hēki i ei muamua.

Loma 4:17 ပူးပေါင်းရင်းမြစ်များ

Mataio 3:9

Ma ia koutou lele nahe kāmata oi lea vē tētahi ki tētahi, ‘ko Apelaamo he tupuna e o ki mātou’; auā e lea atu au ki a te koutou, e mafai e te Atua oi fakaliu tino nā fatu iēnei ke fai ma lāpuna o Apelaamo.

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

Ioane 5:25

E takutino atu e au ki a te koutou te meamoni; e hau te taimi — kua i kinei te taimi tēnā — ka lagona ai e tagata oti te leo o te Ataliki o te Atua, ma ko nā tino e fakalogo ki ei, ka ola ki lātou.

Ioane 6:63

Ko te Agaga o te Atua te maua ai te ola; ko te mālohi o te tagata e matuā hēai lava he aogā. Ko nā kupu kua tautala atu ai au ki a te koutou, e maua ai e koutou te ola mai te Agaga o te Atua.

Gāluega 15:18

E vēnā te vāgana a te Aliki, tē na ia fakailoa te mea tēnei ki tagata, i nā aho kua leva.’ ”

Loma 3:29

Pe ko te mea ko te Atua, e o tagata Iutaia oioti? E hē ko ia nei foki te Atua o tagata nukukehe? Io, e o tagata nukukehe foki.

Loma 4:18

Ko Apelaamo nae talitonu ma nae i ei tona fakamoemoe, e ui lava nae hē faigōfie mo ia, ma na kavea ai ia, “ko te tamana o mālō e lahi.” E vē oi lea mai te tuhituhiga paia, “Ka tokalahi nā lāpuna o koe e vē ko te lahi o nā fetu.”

Loma 4:2

Kāfai te va o ia ma te Atua na fakalelei ona ko ana gāluega nae fai, nae tatau la ke i ei he mea ke fāfia ai — kae e hē i mua o te Atua.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

Loma 9:11

Kae ko hēki fānanau mai foki lava ki lāua pe kua ki lā faia he mea lelei pe he mea kino, kae kua uma te lea o te Atua ki a Lepeka, ko tona ataliki matua ka fai ma kaukauna a te ataliki tamaiti. Na lea vēnei te Atua kae ke kitea ai e fai lava e ia ana tonu, ma e hēki faia ona ko he mea a he tino o ki lāua na fai.

Loma 9:26

Ma i te koga tonu lava na lea vē ai te Atua ki a te ki lātou, ‘E hē ni tino koutou e ōku,’ i kinā ka takua ki lātou ni fānau e a te Atua e ola.”

1 Kolinito 1:28

Na filifili e ia te mea e fakatauva ma inoino ki ei te lalolagi ma manatu ai e hēai hona uiga, kae ke fakahēaogā ai nā mea e manatu te lalolagi e tāua.

1 Kolinito 15:45

Auā e lea mai te tuhituhiga paia, “Ko te uluaki tagata, ia Atamu, na gaohia ma tagata ola”; ka ko te Atamu mulimuli, na kavea ma Agaga e puna mai ai te ola.

1 Timoteo 6:13

I mua o te Atua, tē e ia fōkia te ola ki mea uma, ma i mua o Keliho Iehu, tē na takutino tona fakatuatua i mua o Ponitiō Pilato, ko au e lea vēnei atu

Epelu 11:12

E ui lava ko Apelaamo kua mate, kae mai i te tino tēnei e fokotahi, na tutupu mai ai nā lāpuna o ia e tokalahi e vē ko te lahi o nā fetu i te lagi, ma e vē ko te lahi o nā fuāoneone i te matāfaga.

Epelu 11:3

Ko te fakatuatua kua mālamalama ai ki tātou ko te lagi ma te lalolagi na gaohia i te kupu a te Atua, ma ona ko tēnei, ko nā mea e kitea na gaohia mai i nā mea e hē kitea.

Epelu 11:7

Ko te fakatuatua o Noa te na mafai ai ke lagona e ia te fakatonuga a te Atua e uiga ki nā mea e hē ia kitea kae ka tutupu i he taimi i mua. Na uhitaki ki te Atua, oi fau ai e ia he vaka ma na fakaola ai ia ma tona kāiga. Ona ko te mea tēnei, na fakahalagia ai te lalolagi kae ona ko Noa na uhitaki ki te Atua, na talia ai ia e te Atua ko he tino e faia te mea e tonu.

1 Petelu 2:10

Nae i ei te taimi ko koutou nae hē ni tagata e o te Atua, kae nei ko koutou kua kavea ma tagata o te Atua; nae i ei te taimi nae hē koutou iloa ai te agalelei o te Atua, kae nei kua koutou maua tona agalelei.

2 Petelu 3:8

Kae ko koutou te kau uho pele, nahe puli lele i te mea tēnei e fokotahi! E hēai he kehekehega o te aho e fokotahi ma te afe tauhaga, i te kikila a te Aliki. E tutuha lava nā mea iēnei e lua ia te ia.