Loma 3:9 - Tokelauan New Testament

⁹ E i ei nei la he mea e hili atu ai ki mātou tagata Iutaia i lo nā tino nukukehe? E hēai lele. Kua uma te fakailoa atu e au, e tutuha lava nā tino Iutaia ma nā tino nukukehe; ei lalo uma lava o te pule a te agahala.

Loma 3:9 ပူးပေါင်းရင်းမြစ်များ

Luka 7:39

I te kitea atuga e te Falehaio o te mea tēnei, oi lea vē ifo ai i tona loto, “Kāfai e moni ko te tagata tēnei he pelofeta, kua tatau ke ia iloa pe ko ai te fafine tēnei, kae pe he itūkāigā fafine vēhea foki tēia e pa ake ki a te ia; kua tatau ke ia iloa ko te fafine e ola i he ōlaga agahala!”

Loma 1:18

Ko te tōkahā o te Atua e fakaalia mai te lagi, mo nā agahala ma uiga kino uma o tagata, ma e ala i o lātou uiga kino, kua faigatā ai ke fakailoa te meamoni.

Loma 11:32

Auā kua fai e te Atua ia tagata uma ma pagotā a te hē uhitaki, kae ke fakaalia ai tona alofa fakahao mo ki lātou uma.

Loma 11:7

Oi vēhea ai? E hēki maua e tagata Ihalaelu te mea nae hakili e ki lātou. Ko te vāega tokaititi na filifilia e te Atua, te na ki lātou mauagia, kae ko iētahi tino kua makaka nā loto,

Loma 2:1

E fakamahino atu nei koe ki iētahi tino? Te uho, e tuha lava pe ko ai koe, e hēai lele he mea e tatau ai ke fai e koe he mea vēnā. Auā kāfai e fakamahino atu koe ki iētahi tino, kae toe fai foki lava e koe nā mea e ki lātou faia, ko tona uiga kua fakahalagia ia koe e koe lava.

Loma 3:1

E i ei la he mea e hili atu ai ia tagata Iutaia i lo tagata nukukehe? Pe, he ā foki te aogā o te pelitome?

Loma 3:19

Nei, kua iloa e ki tātou ko ho he mea lava e lea mai ai te Tūlāfono, e fakaaga ki a te ki lātou e i lalo o te Tūlāfono, kae ke mafai ai ke tapuni ia gutu o tagata uma, ma kaumai ai te lalolagi kātoa ki lalo o te fakamahinoga a te Atua.

Loma 3:5

Kae e vēhea kāfai ko te fai e ki tātou o nā mea hehē e fakaalia ai te hako o nā mea e fai e te Atua? E mafai nei ke lea ki tātou ko te Atua e hehē kāfai ki tātou e fakahala e ia? (Ko he fehili tēnei e tatau lava ke fehili ai.)

Loma 6:15

E vēhea la? Ka fai nei la e ki tātou te agahala meamanū ko ki tātou e hē i lalo o te tūlāfono, kae e i lalo o te alofa tūnoa o te Atua? Hēai!

Loma 7:14

E iloa e ki tātou ko te Tūlāfono e mai te Atua; kae ko au kua nā ko he tagata, na fakatau ke fai ma pologa a te agahala.

1 Kolinito 10:19

Ko te uiga nei la o taku lea atu, ko he tupua pe ko nā meakai e ofo atu ki ei, e i ei he uiga?

1 Kolinito 14:15

He ā la te tatau ke kō faia? Ka tatalo au i toku agaga ma tatalo foki au i toku māfaufau; ka pehe au i toku agaga, ma ka pehe foki au i toku māfaufau.

1 Kolinito 4:7

Na hei faia nei koutou ke hili atu i lo iētahi tino? E hēki fōkiatua nei e te Atua nā mea uma ki a te koutou? He ā la te fāfifia tauanoa ai koutou, e vē lele ko nā mea ia te koutou, e hē ni meaalofa?

Kalatia 3:10

Ko nā tino e fakalagolago ki te uhitaki ki te Tūlāfono e ola i lalo o te fakahalaga a te Atua. Auā e leamai te tuhituhiga paia, “Ko ai lava e hē uhitaki i taimi uma ki nā mea uma kua tūhia i te tuhi o te Tūlāfono, e i lalo o te fakahalaga a te Atua.”

Kalatia 3:22

Kae ko te tuhituhiga paia e leamai ko tagata uma o te lalolagi kua i lalo o te pule a te agahala; ma ko te meaalofa la tēia kua folafola e ala i te fakatuatua ki a Iehu Keliho, e fōki ki a te ki lātou e talitonu.

Filipi 1:18

E hē āfāina! Ko au e fiafia ki ei — pe kāfai ka kavea tēnā ma auala ke tālaki ai e uiga ki a Keliho i ho he auala e mafai ai, e tuha lava pe hehē pe hako te agaga e fai ai. Ma ka tūmau pea lava toku fiafia,