Loma 3:5 - Tokelauan New Testament

⁵ Kae e vēhea kāfai ko te fai e ki tātou o nā mea hehē e fakaalia ai te hako o nā mea e fai e te Atua? E mafai nei ke lea ki tātou ko te Atua e hehē kāfai ki tātou e fakahala e ia? (Ko he fehili tēnei e tatau lava ke fehili ai.)

Loma 3:5 ပူးပေါင်းရင်းမြစ်များ

Loma 12:19

Oku uho, ia koutou lele nahe tauimahui, kae tuku vē ki te tōkahā o te Atua ke ia tauia. Auā e lea mai te tuhituhiga paia, “Ko te tauimahui e āku, ka kō toe tauia lava, kua vāgana ai te Atua.”

Loma 2:5

Kae ona ko tō loto e faigatā ma makaka, ka fakalahi ai lava e koe tō fakahalaga i te Aho e fakaalia ai e te Atua tona tōkahā, ma te tonu o tana fakamahinoga.

Loma 3:19

Nei, kua iloa e ki tātou ko ho he mea lava e lea mai ai te Tūlāfono, e fakaaga ki a te ki lātou e i lalo o te Tūlāfono, kae ke mafai ai ke tapuni ia gutu o tagata uma, ma kaumai ai te lalolagi kātoa ki lalo o te fakamahinoga a te Atua.

Loma 3:7

Kae e vēhea kāfai ko toku talapepelo ka fai ma mea e fakaalia lelei ai te meamoni e uiga te Atua, ma lahi ai ona vīkiga e maua? He ā la te fakahalagia ai pea au e te Atua ko he tino agahala?

Loma 4:1

Ka vēhea ake nei la he tātou tala e fai e uiga ki a Apelaamo, te tupuna o ki tātou tagata Iutaia? Ni a te na mafai ke fai e ia lava tautahi?

Loma 5:8

Ka kua fakaalia e te Atua tona alofa ki a te ki tātou — ko te taimi ka koi i te agahala ai ki tātou, na oti ai ia Keliho mo ki tātou.

Loma 6:1

Ka vēhea ake nei la ki tātou? Ka fai pea lava e ki tātou te agahala, kae ke fakalahi ātili ai te alofa tūnoa o te Atua?

Loma 6:19

(E fakaaogā e au te gagana faigōfie, ona ko te hē lava o te koutou iloa.) E i ei he taimi kua teka atu, na tuku kātoa atu ai outou tagata ke fai ma pologa a te faiamio, ma fakaaogā ai ki nā mea kino. Ke vēnā foki la ona tuku kātoa atu i te taimi nei outou tagata ke fai ma pologa a te āmiotonu, ke fakaaogā mo nā mea e paia.

Loma 7:7

Ka vēhea ake nei la ki tātou? Ka lea nei ki tātou ko te Tūlāfono e kino? Hēai! Ka na hē kō iloa te Tūlāfono e vēnei ake e hēki kō iloa foki te agahala. Kana hē lea mai te Tūlāfono, “Nahe kē mānumanu ki nā mea a hētahi tino,” e vēnei ake e hēki kō iloa he lagona vēnei.

Loma 8:31

Ka vēhea ake nei la ki tātou e tuha ai ma te mea tēnei? Kāfai te Atua e kau fakatahi ma ki tātou, ko ai la te mafai oi teteke mai ki a te ki tātou?

Loma 9:30

He ā la te uiga o te mea tēnei? Ko tona uiga ko tagata nukukehe nae hē taumafai ke fakalelei to lātou va ma te Atua, kae na fakalelei e te Atua e ala i to lātou fakatuatua;

1 Kolinito 15:32

Kāfai au na tau ma “manu fekai” i Efeho ona ni manatu fakatetagata, he ā nei ta aku kua maua ai? Kae kāfai nā tino oti e hē toe fakatutūa ki te ola, oi ka vē ai la ko te fakakupuga māhani, “Keina tātou kakai ma inu, auā taeao, ko ki tātou ka feoti.”

1 Kolinito 9:8

He pule nei e āku te lea atu ai au i nā mea iēnei? E hē tākua nei foki e te Tūlāfono te mea tēnei?

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

2 Kolinito 7:11

Kikila ki te mea na fai e te Atua ki te loto fakanoanoa o koutou: kua fakaatili lele ai te koutou naunau ke fakamāonia e hēai he hehē o koutou! Te lahi o te koutou hē fiafia, te loto popole, te atuatuvale, te lagolago mālohi mai ki a te au, ma te naunau ke fakahalagia o tē kua faia he mea hehē. Kua fakamāonia lava e koutou te hako o koutou, i te mea kātoa tēnei.

Kalatia 2:18

Kāfai e toe kāmata oi ati ake e au te vāega o te Tūlāfono na kō talepea ki lalo, ko tona uiga kua fakamāonia e au ko au ko he tino holi tūlāfono.

Kalatia 3:15

Te kau uho, ke fakaaogā e au he fakatakitakiga faigōfie: kāfai ni tino e toka lua e taufai mālilie ki he mea ma hainia he lā māliliega, e hēai he tino e ia mafaia oi fakahēaogā pe toe fakaopoopo he mea ki ei.

Fakaaliga 15:3

ma pepehe i te pehe a Mohe, te kaukauna a te Atua, ma te pehe a te Punuamāmoe: “Te Aliki te Atua Hilihilikehe te Mālohi, kai te uiga kehe ma te gali o au gāluega! Te Tupu o mālō, kai te hako ma te tonu o nā mea e kē faia!

Fakaaliga 18:20

E tatau te lagi ke fiafia, auā kua fakaumatia e te Atua ia Papelona! E tatau koutou tagata o te Atua, te kau apohitolo ma te kau pelofeta ke fiafia! Auā kua fakahalagia e te Atua ia Papelona ona ko nā mea na ia faia ki a te koutou!