Loma 3:4 - Tokelauan New Testament

⁴ Hēai, e hē vēnā! E ui lava ko tagata uma lele e talapepelo, ka ko te Atua lava ia e fakamāoni, e vē oi lea mai ai te tuhituhiga paia, “E tatau ke kitea te hako o au kupu; e tatau ke mālō koe kāfai e fai hō fakamahinoga.”

Loma 3:4 ပူးပေါင်းရင်းမြစ်များ

Mataio 11:19

I te hauga o te Ataliki o te Tagata, nae kai ma inu ki te uaina, oi lea vē ai nā tino, ‘Kikila ki te tagata tēnei! E kai fakaatuatuvale ma konā i te uaina, he uō e a nā aolāfoga ma iētahi tino inohia!’ Ka ko te poto o te Atua e fakaalia te moni, i ana gāluega.”

Luka 20:16

Ka hau nei oi tāmate nā tamāloa iēnā, ma tuku atu te tōvine ki ni iētahi nofolihi.” I te lagona atuga e nā tino te mea tēnei, oi lea vē atu ai, “E hē tatau lele ke vēnā!”

Ioane 3:33

Kae ko ai lava e ia taliagia tana takutinoga, kua ia fakamāonia te moni o te Atua.

Loma 11:1

Ko taku fehili: Na teteke nei e te Atua ona lava tagata? E hēai! Ko au foki ko he Ihalaelu, he lāpuna e o Apelaamo, mai te puikāiga o Peniamina.

Loma 11:11

Ko au la e fehili: Na hīhīga nei ma pakukū ma hēki mafai ke toe tutū ki luga? Hēai! Kae ona kua agahala ki lātou, kua maua ai e tagata nukukehe te fakaolataga, ke fai ma mea e tupu ai te loto kino i tagata Ihalaelu.

Loma 3:31

Ko tona uiga e fakahēaogā e ki tātou te Tūlāfono ona ko ki tātou e fakatuatua? Hēai, kae e fakamautū lelei ai e ki tātou te Tūlāfono, e vē ko te tūlaga e tatau ona i ei ai.

Loma 6:15

E vēhea la? Ka fai nei la e ki tātou te agahala meamanū ko ki tātou e hē i lalo o te tūlāfono, kae e i lalo o te alofa tūnoa o te Atua? Hēai!

Loma 6:2

E hē tatau! Kāfai ki tātou kua hē i lalo o te pule a te agahala — e vēhea la ona haga fai pea e ki tātou te agahala?

Loma 7:13

Ko tona uiga la ko toku oti na māfua i he mea e lelei? Hēai, e hē vēnā! Ko te agahala te na māfua ai; na fakaaogā e te agahala te mea e lelei ke maua ai au i te oti, kae ke iloa ai e tagata te natula moni o te agahala. Ma e ala i te fakatonuga a te Atua, kua fakaalia ai te hēai o he gataaga o te kino o te agahala.

Loma 7:7

Ka vēhea ake nei la ki tātou? Ka lea nei ki tātou ko te Tūlāfono e kino? Hēai! Ka na hē kō iloa te Tūlāfono e vēnei ake e hēki kō iloa foki te agahala. Kana hē lea mai te Tūlāfono, “Nahe kē mānumanu ki nā mea a hētahi tino,” e vēnei ake e hēki kō iloa he lagona vēnei.

Loma 9:14

Ka lea nei la ki tātou ko te Atua e hē fai meatonu? E hēai.

1 Kolinito 6:15

E hē koutou iloa ko outou tino ni itūtino e o te tino o Keliho? Ka kave nei la e au he itūtino o te tino o Keliho oi fai ma itūtino o te tino o he fafine talitāne? E matuā hē mafai lava.

2 Kolinito 1:18

E molimau te Atua fakamāoni, ko taku folafolaga na fai atu ki a te koutou, e hē he “Io” pe he “Hēai.”

Kalatia 2:17

Kāfai la ki tātou tagata Iutaia e taumafai ke fakalelei to tātou va ma te Atua i te tātou hokotaga ma Keliho, kae e iku ifo ko ki tātou ni tino agahala e vē foki lava ko tagata nukukehe — ko tona uiga nei la ko ki tātou e fakamālohia e Keliho ke fai te agahala? E hēai!

Kalatia 2:21

E hē tetekea e au te alofa tūnoa o te Atua. Kae kāfai he tino e fakaleleia tona va ma te Atua e ala i te Tūlāfono, ko tona uiga e hēai he uiga na oti ai ia Keliho.

Kalatia 6:14

Kae e vē la ki a te au, ko au e fāfia oioti lava ona ko te hātaulo o to tātou Aliki ko Iehu Keliho. Auā ia te au, ko te lalolagi kua mate e tuha ai ma te hātaulo, ma ko au kua mate e tuha ai ma nā mea iēnei o te lalolagi.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Tito 1:2

iē e fakavae i luga o te fakamoemoe mo te ola fakavavau. Ko te Atua e hē pepelo, ma na ia folafola maia te ola fakavavau tēnei ka ko hēki faia te lalolagi,

Epelu 6:18

Ko nā mea la iēnei e lua, e hē mafai ke toe huia ma e hē mafai te Atua ke pepelo e uiga ki ei. Ko ki tātou la iē kua maua te haogalēmū i te Atua, ka ātili mautū ai to tātou pipiki ki te fakamoemoe kua ia kaumaia ki a te ki tātou.

1 Ioane 5:10

Ko te tino la e talitonu ki te Ataliki o te Atua, kua i tona loto te molimau tēnei; kae ko te tino e hē talitonu ki te Atua, kua ia taku pepelogia te Atua, auā e hē talitonu ki te molimau a te Atua e uiga ki tona Ataliki.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.