Loma 3:2 - Tokelauan New Testament

² E lahi, kāfai e kikila ki nā itū kehekehe. Muamua, na tuku e te Atua tana fekau ki nā tino Iutaia ke ki lātou taupaua.

Loma 3:2 ပူးပေါင်းရင်းမြစ်များ

Ioane 5:39

E hukehuke koutou ki nā Tuhituhiga Paia ona e vēake koutou, ko te mea ia ka maua ai e koutou te ola e fakavavau. Ko nā Tuhituhiga Paia foki lava iēnei te molimau e uiga ki a te au,

Gāluega 7:38

Ko ia te nae i ei fakatahi ma tagata Ihalaelu i te maopoopoga i te vao; nae i ei fakatahi ma o tātou tupuna, ma te agelu na tautala ki ei i luga o te Mauga ko Hinai; ma na tuku ki ei te fekau a te Atua e ola pea lava, ke fakapa mai ki a te ki tātou.

Loma 1:2

Ko te Tala Lelei na folafola e te Atua mai te kāloā e ala i ana pelofeta, e vē oi tūhia i nā Tuhituhiga Paia.

Loma 2:18

e iloa e koe te mea e fofou te Atua ke fai e koe, ma kua kē iloa e ala i te Tūlāfono, oi filifili te mea e hako;

Loma 3:1

E i ei la he mea e hili atu ai ia tagata Iutaia i lo tagata nukukehe? Pe, he ā foki te aogā o te pelitome?

Loma 3:3

Kae e vēhea kāfai e i ei ni tino o ki lātou e hē fakamāoni? Ko tona uiga ko te Atua foki la ka hē fakamāoni?

Loma 9:4

Na filifilia ki lātou e te Atua ke fai ma ona tagata, ma fakakikila ki lātou ki tona mamalu; na ohi ana feagaiga ma ki lātou ma tuku atu ki ei nā Tūlāfono; kua iloa e ki lātou te faiga o nā tāpuakiga; kua maua e ki lātou nā folafolaga a te Atua;

1 Kolinito 9:17

Anei taku gāluega na fai i toku lava loto malie, e fakamoemoe au ko au e totogi; kae e kō faia ona ko he tiute kua tōfia ai au e te Atua.

2 Kolinito 5:19

Ko te uiga o ta mātou lea atu, kua fakaleleia e te Atua te va o ia ma te lalolagi e ala ia Keliho. E hēki ia faitaua ia agahala a tagata, ma kua tuku mai e ia ki a te mātou, ke fakaleleia te va o ia ma tagata.

Kalatia 2:7

Kae na ki lātou iloa ko te tālakiga o te Tala Lelei ki tagata nukukehe, ko he mea na tuku mai e te Atua ki a te au ke fai, e vē foki lava oi tuku atu e ia ki a Petelu, te tālakiga o te Tala Lelei ki tagata Iutaia.

1 Timoteo 6:20

Timoteo, tauhi lelei ki te mea kua fōki atu e te Atua ke kikila e koe. Ia koe nahe fakalogo ki nā tino e faia nā fakamatalaga valea ma hē mīgao, iē e lea iētahi tino ko te “poto.”

Epelu 5:12

I te taimi nei, ko koutou kua tatau ke fai ma faiakoga — kae koi manakomia pea lava e koutou he tino ke ia akoako atua nā lehona muamua o te fekau a te Atua. I lo te kakai ki nā meakai mamafa, ko koutou koi fakainu lava i te huāhuhu.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.

Fakaaliga 22:6

Oi leamai ai te agelu ki a te au, “Ko nā kupu iēnei e moni ma e fakamāoni. Ma ko te Aliki te Atua, tē e ia tukuatua tona Agaga ki te kau pelofeta, kua uga e ia ana agelu ke fakailoa atu ki ana kaukauna, nā mea kua tāli pa ki te taimi e tutupu ai.”